وعشان ماحد يكذب عليكم ويخرعكم ويقول لكم مافيه صيفي للانتساب ترا انا انتساب ودفعتي 2009
واخذت صيفي في رمضان هذا وربي شاهد على مااقول
فوق هذا يوم رحت لكليتي قامو يضحكون يطالعون بعض ويقولون من جدك انتي صيفي وانتي انتساب
قلت لهم لان تغير النظام من البنر الى بيبول سوفت
وانا قريت ان فيه امكانيه
وقعدووو بس يضحكون علي
رحت اخذت ورقتي الجامعيه وقدمت صيفي في كليه التربيه بالجبيل
درست مناهج
وتقويم تربوي
ويوم نجحت رحت دخلت المقررات حقتي طبعت الصفحه
ورحت رميت الورقه قدامها في مكتبهااا
وهي تناظر وتقول لي وش هذا
قلت هذا اللي ضحكتي علي فيه وقلتي كيف انتساب تاخذ صيفي
قالت لان ماعندي لوائح تقول ان فيه امكانيه تاخذين صيفي
قلت متى لو عندك لوائح بتعلنون عنها اصلا طول عمركم ماتخافون الله وشايفينا مطنزه وشايفيين بنات الانتساب مهمشات في الحياه الجامعيه مع ان في الواقع احنا نتعب زي الانتظام ونذاكر معهم هذا لو مانذاكر ازيد منهم
فبليززز مره ثانيه لاتضحكين ولاتفكرين ان حنا مالنا حق
وفعلا كنت اول دفعه في كليه النعيريه تاخذ صيفي وكنا 6 طالبات وكلنا نجحنا
وفوق هذا خرعونا وقالو ماراح نقبل ولاراح ندخلها في النظام
وربي تممها