|
رد: عندك إستفسار؟ تفضل إجابات أغلب الأسئلة موجودة هنا ..
أهلين ملكة الصمت >> المحاضرات لسى مابدت تبدأ السبت مو الجاي؛ لأ اقصد اللي بعدوه هذا كلام الدكتوره نوال ايام الدوره التدريبيه.
لكن حنا قسم الدراسات نزل لنا الدكتور محاضرتين في مادة (( الثقافه الاسلاميه )) ونزل عليها واجب وأختبار قصير لكن كلها تجريبيه علشان نتعلم على البلاك بورد .
الأخت rooodنعم المواد نزلت لجميع الأقسام أول ماتفتحي البلاك بورد تجدي موادك على يسار الصفحه ..
واللي حابه تشوف إذا عندها واجبات تجريبيه او اختبارات قصيره تختار اي ماده تبيها إذا فتحت الماده راح يطلع عندها اسم الماده اللي فتحتها موجوده فوق باللون الرمادي>> رصاصي وتحتها هذي الايقونات :
*الصفحه الرئيسيه:هذي الايقونه هي الصفحه الرئيسيه لنفس الماده فيها رسائل الاعلام ويقصد بها رسائل اعلانيه عن اي خبر جديد عن الماده وفيها المهام ....الخ))
*صفحه ترحيبيه:هذي صفحه لمعلم نفس الماده يرحب بالطلاب فيها .
*معلوماتي الشخصيه:هذي الابقونه خاصه بالسيره الذاتيه لدكتور الماده وفيها جواله وإيميله.
*اعلانات:هذي نفسها رسائل الاعلام اللي ذكرتها سابقآ بس اختصار لها ّإذا حابه تشوفي شو فيها من جديد .
*توصيف المقرر:هنا يوصف الدكتور طبيعة الماده وعلى ماذا تحتوي بس ضروري افتحوها لأن فيها اشياء ضروريه انا لقيت فيها نقاط مهمه من ظمنها طالب مننا دكتور مادة الثقافه حفظ الجزء الثلاثون من القرآن الكريم .
*الكتب المقرره: هنا راح تلاقوا أسماء كتب الماده المطلوب تشتروها هذا إذا فيه كتب .
*المحاضرات: هنا موجود المحاضرات الغير مباشره اللي منزلها الدكتور شيكوا عليها أول بأول واي محاضره تنزل أحفظوها بالجهاز واللي حاب يطبعها على ورق لأنها مكتوبه نصيآ وليست فيديو.
*البريد الالكتروني:هنا إذا حاب ترسل لدكتور الماده إيميل بخصوص اي مشكله أو سؤال أو توضيح لأي نقطه .
*الفصول الافتراضيه: هذا أنا شفت فيه تقويم أسبوعي بس مكتوب بالانجليزي إذا بدت الدراسه نشوف وش سالفته .
*المحاضرات المسجله:هذي للمحاضرات المباشره لما تتسجل بتكون موجوده هناااا .
*تعليمات:هنا انا أفتحها يطلع صفحه بيضا وخرابيط بالانجليزي بس أتوقع بتكون خاصه للتعليمات عن النظام البلاك بورد .
*أدوات الطالب: هنا يجمعون لك جميع الأدوات المستخدمه في نظام البلاك البورد في صفحه وحده علشان تفتحيها بطريقه أسهل وراح تلاحظوا قبل تفتحوا أي أدآه منها ، موجود تحت كل اداه ،بعض المعلومات عنها ااا.
أأأنتهى
اتمنى الجميع يستفيد من الشرح المتواضع والمبسط بإذن الله كنت بشرحها بالصور بس والله مشغوووله لكن حبيت أساعدكم لأني شفت كثير يسأل بخصوص هالأيقونات واللي يقول وين ألقى المحاضرات واللي يسأل عن الواجبات ...الخ )).
طبعآ اللي مانزل لهم الدكتور اي محاضره ترى ماراح تطلع له هالايقونات كلها أوكي يعني لاتخافون عاااادي واللي حط لهم الدكتور واجب وأختبار قصير راح يشوف نفس الايقونات بالأضافه لأيقونتين زياده وهي :
* واجباتي
* الاختبار
والبعض راح تطلع له ايقونات اكثر وهي :
*المناقشات
*المجموعات
*لوحة المناقشات
*البدايه
بس هذي ايقونات مو ثابته مره تطلع بالبلاك بورد مره تختفي ما أدري ليش هالحوسه بس لاتهتموا اللي شرحتها هي الاهم والاساس والباقي نفهمها مع بداية الدراسه .
اتمنى الجميع يستفيد 
دعواااااتكم .
|