ملتقى طلاب وطالبات جامعة الملك فيصل,جامعة الدمام - عرض مشاركة واحدة - ماهو شعورك اخي اختي بعد النظرة الشرعية ؟؟؟

ξـبد»βrines«الرζـمن · 2012- 2- 4

اقتباس:

المشاركة الأصلية كتبت بواسطة ₪ حـكـاية روح|~

ماهو شعورك بعد النظرة الشرعية وعدم اعجاب الشاب او الخاطب بك

يمكن يحز بخاطري .. بس بكون متيقنه ان كل شي قسمه ونصيب

هل يؤثر على مشاعرك بحيث يولد لديك ردة فعل بالمستقبل ؟؟؟
لا .. انا انسانه واعيه .. مو بزر لجل اعمم كل الامور وردات الفعل
يمكن الخطيب الاول ما يشوف اني اناسبه .. بس ممكن الثاني او الثالث يكون
افضل

وماهي ردة فعلك عند عدم اعجابك بالخاطب ؟؟
يمكن اتضايق في بداية الامر .. بس بعد كذا راح انسى
وزي ما سبق وقلت .. الموضوع قسمه ونصيب
واللي لي نصب معه راح اخذه

ام انتي مع المثل القائل (ظل راجل ولا ظل حيطة )؟؟
لا .. انا عندي اقعد ببيتنا معززه مكرمه ..وعند ابوي وامي
ولا اروح مع رجل
لا ابيه ولا يبيني .. او يكون مو كفو

..

وبصراحه انا انصح بـ الشوفه الشرعيه .. والرسول عليه افضل الصلاة والسلام
ما شرعها الا لان لها تاثير كبير على كلا الطرفين ..

..

يعني انا اول ما انخطبت .. بصراحه خفت خصوصا اني كنت رافضه الفكره نهائيا
حتى ما سالت عنه ولا عرفت عنه اي شي بس قلت لا منا والطريق

بس بعد ما شفته وشافني .. الحمدلله .. تم القبول من كلا الطرفين

..

بينما صديقتي ما شافت رجلها الا بالفندق

تقول بس شفته قعدت ابكي .. تقول قلبت ذيك الليله مناحه
لانها ما تقبلت شكله ابد

و تطلقت بعد فتره قصيره من الزواج لانها ماقدرت ترتاح له او تتقبله
و لما انخطبت مره ثانيه .. مارضيت توافق الين تشوفه
مع ان عندهم بـ سلمهم ممنوع وعيب

بس الحمدلله ابوها رضي .. وتمت الموافقه بعد الراحه من كلا الطرفين

..

اعتذر عن الاطاله .. بس حبيت ابين رايي بالموضوع

شكرا لك

الف مبروك لك والله يتمم لك على خير
ويسعدك بحياتك القادمة
كفيتي ووفيتي
تحياتي لك