مرت تجر العطر والثقل والزين
وأنا مثل كل الشباب وقفوا له

عطره يذر العطر على البساتين
ثقله يسولف عن نسب عن حموله

فستانها ذايب بخصره من اللين
وخصره من الفستان ياخذ عموله

اي و الله اني حاسدك يالفساتين
ياحظك بخصره بعرضه بطوله

بعيونها سيوف العرب يوم حطين
منها النفاذ " بجلد قلبك " بطوله

أقفت وأنا عيني عليها لهالحين
مالوم عيني " ياخذ العقل " زوله

وناديتها " يامترفه " وبطرف عين
قالت : أنا ؟. قلت : إيه . قالت : أموله

أموله .. مية مرحبا . قالت : أهلين
أموله : عندي بيت ممكن أقوله؟؟

قالتلي:قوله.قلت:الانسان من طين
أما أنك أنتي طين ماهي معقوله

أنتي أظنك بالعطر تستحمين
وأجزم بأنك بالجمال مغسوله

شوفي شكل شفايفك قاهر التين
والجمر يكوي والثمان معسوله

" أموله " أنتي غيير كل المزايين
أنتي مثل فصل الربيع وحلوله