المشاركة الأصلية كتبت بواسطة msb2012

فيه أمور مهمه لازم تحطها في بالك


حط في بالك انك بتدرس فتره بين 6 إلى 7 سنوات في الخارج (خصوصا ان الجامعه تفضل انك ما ترجع بعد الماجستير + لا توجد ترقيات من معيد إلى محاضر + يعني لازم تدرس الى الدكتوراة عشان تترقى)


نقطه مهمه وهي انك خلال هذه الفتره ما راح تقدر تكون نفسك. لان ما ينزل في حسابك الى 41 % من راتبك الاساسي اللي هو في الاساس 6 آلاف ريال تقريبا يعني ما يصفا لك الى الفين وشوي ومكافأه الابتعاث راح تصرفها هناك وانت تدرس بلا شك


فتخيل انك ترجع بعد 6 سنوات تقريبا (يعني عمرك حول ال30 سنه) وانت الى الان ما عندك (رصيد) وبتبدأ (تجمع) للمستقبل, بينما اللي في الشركات (مثلك حاليا) بيكونون قدروا يكونون نفسهم وعندهم رصيد للمستقبل



لا تنسى انك بعد ما تتقاعد (اذا صرت دكتور) ما راح يصفى لك مبلغ تقاعدي (ممتاز) ولا مكافئه نهاية خدمه (ممتازه) لأن راتبك في الأساس كله (بدلات) والراتب الأساسي ضعيف جدا. أجل أستاذ مساعد راتبه الاساسي 12000؟؟ هذا راتبك الاساسي في سكيكو بعد سنتين او ثلاث اذا ما كان الآن. ونفس الشئ مع مكافئه نهايه الخدمه الضعيفه جدا مقارنه بمكافئات أرامكو و سكيكو و الاتصالات و غيرهم.



هذه نقاط مهمه والكثثييييييير من المعيدين اللي تم ابتعاثهم للخارج عانوا منها وبشده. خصوصا ان الحياه الان تغيرت وكل شئ صار صعب, فعن نفسي فكر في هالموضوع ألف مره قبل هالقرار



وبالتوفيق للجميع