سألتك بالذي حطك على راس المحبة تـــاج
تحبنـــي ولا تتســـلى بأحساســـي ووجداني
وتحتاج لغلا قلبي مثل مالك أنا أحتـــاج
أو اني بعد ما فارق حـــدود الشوف تنساني
حبيبي عايش بحيرة وقلب صفحــة الأبراج
وضعت بعدل ميزانك وصمت وظلم ميزاني
أنا مثل الذي تايه وينظر من بعيد سراج
فلا نوره وصل دربي ولا ملقاه دفاني
تعال اصير لك شاطيء اذا حزنك يصير أمواج
تعــال وخذ فرح قلبي اذا قلبــــك بدأ يعـــاني
حرام نعيش في دنيا الخجل والصمت والاحراج
وأحبك .... كلمه ع لسانك وملت تسكن لساني