ملتقى طلاب وطالبات جامعة الملك فيصل,جامعة الدمام - عرض مشاركة واحدة - حياكم الله بنوزع الشغل كل طالب وطالبه نشيطة حابين يساعدون يدخلون

دوَدي · 2012- 2- 7

اقتباس:

المشاركة الأصلية كتبت بواسطة أنيقاع ذووق

أهلن حبيبتي ياليت لو تقوليلي الطريقه

إذا مآعليتس أمر .،

سوري إذا قلتيها ونا ما انتبهت ..،

^

لا ماقلتهآ .. انا اعلمتس شوفي ..

الحين تنزل محاضره لكل مادة اسبوعياً .. انتي وش تسوين .؟!
لاتذاكرين المحاضره الا وبيدك المحتوى .. اسمعيها و ركزي مع الدكتور .. اي شي يقوله وتحسينه مركز عليه حطي عليه (* مهم ) .. لان طبعاً كل الدكاتره يلمحون لـ اسئلتهم بهالطريقه ..
بعد ماتخلصين سماع المحاضره .. اقري المحتوى مره ثانيه .. و حددي ع الاشياء الجديده فِ المحاضره
مثال .. درستي محاضره عقيده وفيها اخذتي تعريف العقيده لغه - اصطلاحا - فروع العقيده - الخ
جيبي ورقه صغيره و ثبتيها بدايه المحاضره و اكتبي اهم ماجا فِ المحاضره

طيب بتسألين هذي وش فايدتها ؟ اضيع وقت ع الفاضي .. !!
انا اعلمك ليه .. هذي يوم تصيرين تراجعين يسهل عليك تعرفين ايش الاشياء المهم واللي رآح تراجعينهآ

يمكن تعتبين وانتي تكتبين وكذا .. بس أول شي رآح تثبت فِ بالك + يسهل عليك المراجعه ..

-

ثاني شي اذا ودك تسوين تلخيص ..
أول شي تسوين الاشياء اللي فوق يعني تسمعين المحاضره وتركزين وش يقول الدكتور وبعدين تكتبين اللي يقوله ..
ولما تخلص المحاضره تقرين المحتوى مره ثانيه حق المحاضره
بس هنـآ بالتلخيص ..
تحولين كل فقره لـ موضع سؤال ..!!

ولما تخلصين ...
افتحي ملف وورد فِ الكمبيوتر و سمي الملف بإسم المادة مثلاً " مراجعه مادة العقيده المحاضره1

و روحي اكتبي الاسئله اللي انتي حطيتيها .. ونسقي الملف وخليه

يجي الاسبوع الثاني .. نفس الطريقه تسوين مع المحاضره الثانيه و تكتبين الاسئله تحت المحاضره الثانيه وتعدلينهآ ..

بكذا بعد شهر راح تكونين خاتمه الـ 4 محاضرات للمادة بشكل جيد + يكون عندك ملخص تقدرين تنزلينه فِ المنتدى ..

فصلت لك الطريقه بالتفصيل الممل ..

موفقه ي عسل ..