كنت أضَحِّي في حياتي لو نوالك بالمكيده
ما حشمتي قلب شخصٍ له شموخ وله كرامه
وما حسبتي حساب ناسٍ همَّهَا بس النقيده
شاعرٍ ما رَد حتى ... على لبَّاسي العمامه
وقلبك إنتي صار فجأه والله يا حلوه يقيده
في الزمن نادر وجودي ويا كثر فيه الرخامه
وصار عادي في زمنَّا الأخُو يقتل عضيده
الحديده , في إيديني و القضيه . . إتهامه
وإنتي القاضي وطبعاً ما تحسي في الحديده
مركبي الغرقان بَسِّك لا تزيدي في حطامه
كل ما ألمح نجاتي صارت أمواجك شديده
صدقيني - حيل أحبك والوعد يوم القيامه
ويل من هو كان يكْذِب وكانت ذنوبه جريده
إتركيني لجل عينه .. كان لك حُبه إبتسامه
المهم . . . . إنّك تكوني يا بعد ماجد سعيده
إنسي اللي صار كله وصيري له منبع هيامه
وإن ذكرتيني بغيابي قولي عن روحي فقيده
ما أبي من قلبك إلا .. طول عمره والسلامه
خَلِّي بالك من زمانك دنيتك هذي عنيده