الله يكون بعونك حسب خبرتي المتواضعه ان الموظف الحكومي المدني هم اكثر ناس فلله وراحه
لكن الموظف الحكومي العسكري هو اللي كل الانظمه عليه وماله فيها شيئ ومطلوب منه يكر ويفر وما يقول لااا
وانه اذا كان في نيته يكمل دراسته لزاما عليه ياخذ رخصه من القايد عشان لما تجي الاجازه يعطونه
والا مايرخصونه وقت الاختبارات
ولكن مالك الا تدعي رب العالمين بالتيسير والتسهيل وان تكثر من الاستغفار وان كان احد من شيبانك حولك حي خله يدعي لك والله يادعوته ما تصك الا في وجيههم ولتنعم بالفرج بحول الله وقوته