ملتقى طلاب وطالبات جامعة الملك فيصل,جامعة الدمام - عرض مشاركة واحدة

آضغاث آحلام · #1 2012- 2- 9

بسم الله الرحمن الرحيم
كيفكم شخباركم عساكم طيبين < اخلصي ياسنفورة

على فكرة تراني مجتهدة بالمواضيع ولاتقولوني لي شيء منقول لأن قسم بالله كل شيء من مخي < صدقنا بسك حلفان

وآطلــق شيء عندي ابو الوناسة والحماس < لاغزة < انقلعي
آمممم بالله عليكم من متى مازرتو الملاهي < جدتي هي أزورها
ولعبتو في القطار السريع و الاخطبوط والصحن الدوار < ابي العب بس شسمه بالعباية ماينفع وبالنقاب باصير الساحرة والعيال بينبسطون والعباية تتطير مثل باتمان

الموهم عاد حنا بنلعب هنا بس شنو لعب آكشن حماسي ثقافي

لاتقولون ممنوع مرور النفرات هاللعب هذا يسمح بالاختلاط وبعدين حنا متغطيات< بررررررررى
راح نلعب في ملاهي التجمع .. بتكون مديرة الملاهي حقنا
( القلب النابض )

وراح تكون مراقبة الموضوع
لو تسألوني شلون بنشغل اللالعاب بقولكم بطاقتنا < طيري زين

أيام قليلة ويبدأ الجد وتبدأ رحلة الدراسة ..

كل البنوتات وكل واحد < ماتقصد آحد أبدا

راح تلعب بكتبها ..
وهدفنا المعدل العالي

راح تجي الاختبارات .. كل بنت بتدرس بتنجح بس شنو بالمعدل ..

وتجي وتدون درجاتها وطبعاَ الي راح يكون معدلها آعلى شيء حق الترم

بنتجمع كلنا بنات التجمع بالكلــية وبنسوي لها حفلة ماصارت ولا ستوت < يارب انا يارب انا

يعني كل البنااااااااااااااااااااات كلكم ونحدد مكان ونحتفل كلنا في هالبنت اما اذا كان الي بفوز بآعلى معدل ولد

شسمه بنصفق له وبس < اقول ماودك تنطمين

هذا شيء الشيء الثاني ..

هنا راح يكون ملخص لكل درس بجميع التخصصات تساعد على الدراسة وكل بنوته
تكتب تبرعهـ لآي مادة آنا راح اتبرع الخص مادة القضايا الثقافية المعاصرة ..

واليكم المايك