لا تعتمدون على جامعة الملك فيصل وتخلونها سبب رئيسي في تحقيق الأحلام
لا .. بعد هذا خطأ كبير
عندكم أنا (:
درست أدبي .. وبحمد الله تم القبول في جامعة الملك فيصل في كلية (الآداب)
وهذا ماكنت راضية عنه
لكن بعدها أيقنت أن الخير في اللي اختاره ربي
فرضيت بكلية الآداب واقتنعت فيها وخليتها منطلق لمستقبلي
وغيرت مسار أحلامي وخليته أكبر
الآن أنا تخصص لغة عربية وراح أغيره إلى ( درسات إسلامية)
(من يرد الله به خيراً يفقه في الدين) وهذا سبب التحويل
أما طموحي وأحلامي
فهي إني أكون داعية, داعية للجميع
بمعنى .. راح أتعلم اللغة الإنجليزية حتى أتمكن منها , وبعدها بإذن الله أنظم لمكتب دعوة الجاليات
وأتعلم لغة الإشارة حتى أتمكن منها, وأكون داعية للصم والبكم
وأيضا داعية بإذن الله لجميع المسلمين
وراح أطور من نفسي من خلال المحاضرات اللي تقام بالملتقيات وغيره أو من خلال الدورات
راح أتعلم كيفية القيادة وكيفية إستثمار الوقت وأشياء كثير بإذن الله تعالى
وهذي خلاصة أمنياتي وطموحي ..
لكن همسة يا بنات : عمر الأماني ماتتحقق مع الوقت .. لازم حنا اللي نبادر ونعمل والله يسهل ويوفق
فتخيلوا لو 3 عصافير فوق الشجرة وفي عدو راح يصيدهم
الأول : قرر أنه مايتحرك
الثاني : فكر أنه يتحرك
الثالث : تحرك
الأول والثاني هم سواء .. لأنهم ماتحركوا فما نجوا من العدو
الثالث نجا لأنه طار
ونفس الشي حنا مع أمنياتنا .. إن قررنا مانتحرك أو فكرنا نتحرك .. يعني ماسوينا شيء دام ماخطينا خطوة
وانا بحمد الله سأنتقل من الـــ ( صفر ) إلى الــــ (واحد)
بإذن الله ع يوم السبت راح أسجل بمعهد الأمل للصم والبكم
لتكون الخطوة الأولى لي
وأرجوا التوفيق من الله