أسبوع مر!!ولا وصل منك مرسال
ياقو قلبك كيف تقاطعني أسبوع؟!

الجوع كافر!وأنت ماترحم الحال
وانا عليك من الوله ميت جوع

ياصاحبي عشقتني فعل وخصال
وانا عشقتك شعر واحساس وطبوع

وشلون تتركني كذا لااشهب الــلال؟
وقدام عيني تجف ينبوع ,, ينبوع

واليوم ضاقت بي من الجال للجال
فرقاك تقصم ظهر .. وتحز .. وتلوع

لوجيت شفت الحال . ماسرك الحال
في غيبتك ضايق . وحاير . ومفجوع!!

هذا غياب اسبوع وشلون لو طال؟؟
طالبك لايطول غيابك عن اسبوع!!