|
رد: حلمك المستقبلي و وضعك الحالي في جامعتنا العزيزه [ الكل يشارك =d ]
اممم
يوم كنت بثانوي
انا مااقولكم انا ذكيه وفاهمه واحفظ بسرعه
بس مهمله مااذاكر وطول وقتي لعب .gif "(269)")
اول سنه دخلت مدرسه خاصه ومدلعتنا في المذاكره حيل جبت نسبه حلوه
السنه الثانيه سكروا مدرستنا ورحت حكومه ودخلت ادبي وهم نفس الشي لعابه بس قمت اذاكر شوي لان الحكومه غير الاهليه شديده ونسبتي في الاخير في الحضيض 
النص الثاني من سنه ثانيه فتحت مدرسة الخاصه ورحت لها وارتفعت نسبتي
ثالث سنه لعابه بس جبت نسبه حلوه
تخرجت
وماكنت حاطه ببالي شي ابد قلت المهم انقبل بالكليه
اول دفعه ماانقبلت طبعا  وسويت مناحه في البيت ماادري ليش يمكن لان حسيت هذا مستقبلي وهذا مصيري هههههه والله بس اذكر روحي اضحك
وامي شوي وتصيح وياي وابوي يقول ياخبله بتنقبلين صبري باقي اربع دفعات جايه يادلوعه 
واخواني بس يضحكون علي .gif "(284)") لاني اصيح مع اني مطجعه في كل شي ولا تطيح دمعتي بسهوله
الدفعه الثانيه انقبلت الحمد الله بكلية الاداب وماتتصورون شقد فرحتي  وامي وابوي ووبعد شروا لي كيكه وسوينا حفله صغنطوطه في بيت اهلي وباركوا لي >> حسيت اني وناسه شعور لايوصف مع انه عادي انقبلت بالكليه شصار
وشسمه هذا انا دخلت الكليه النص الاول مابعد اقرر بس رحت في عزيمه ووحده تحاول تحطمني تغار مني تقول حتى لو تخرجتي انتي بتجلسين بالبيت
انا قلت هين بتخرج وبتوظف وبقهرها  وبقهر كل وحده تحسدني وتغار مني
لذالك قررت ادخل تخصص انقلش  وان شاء الله اذا اختبرت اختبار القبول فيه انجح
|