اول مره اشوف ذا الموضوع القميل ..

قرأت الصفحه الاولى والحمدلله طلع به بشر مثلي وانا على بالي اني حاله خاصه مستعصيه ..

ع العموم بكتب صفاتي وبرد اقرأ الموضوع من البداية ابي اشوف بقية الاعضاء ..




...


مدمنه سلطات لدرجة ان الاملاح زايدة عندي بسببها ..

وان مر يوم بدون مااكل سلطه يصكني صدااع ومايطير من راسي الا بعد مااكلها << ادمان ياكافي


...


والشيء المشهورة به بـ عائلتنا التوتر ..

لدرجة انهم مسميني في جوالاتهم ( توتر 24 ساعه )

بـ سهوله اتوتر ..

وطبعاً اول علامات التوتر عندي الرجل تشتغل هز ..

لدرجة ان ايام ماكنت انتظام كان عندي امتحان فوكل ..

وبالصوتيات معروف انك تحطين السماعه وماعاد تسمعين الا صوت الدكتوره ..

ودوري كان متأخر فقلت انتهز فرصه واراجع لي شوي ..

الا فجأه بعد بداية الامتحان بشويات الا الدكتورة تنادي اسمي وتقول ( عطر ارحمي عمرك والله لـ انجحك بـ امتياز بس هدي هدي لايصير فيك شيء ! )

تخيلي شافت رجلي من تحت الطاوله وهي تهز بـ شكل قوي << هقوتي انها كانت ترقص متر قدام


...


حساسه لدرجة مفرطه او بالاحرى مقرفه ..

مااحب النقاشات اللي بصوت عالي ..

واي مشكله تصير في العائله بذات بين امي وخوالي انهار انهيار كامل صياح وبكى واغماء ومستشفى وحاله !!

حتى ان كان الموضوع صغير وتافه ..

مستحيل الحين يتناقشون قدامي بـ اي موضوع ..


...



اكره النوم ..

اقصى شيء ممكن انامه 5 ساعات ..

وان نمت زود اصحى وانا مصدعه وضايق صدري ..


...


مااعرف انام الا لازم افكر بـ شيء ..

والاغلب انه يكون شيء مضايقني او مفرحني ..



...


اذا كنت اذاكر لازم اشبر الارض وامسكها بلاطه بلاطه ..

احس اني استوعب واحفظ اسرع وانا امشي ..



...


اكره اكلم احد بـ التلفون او الجوال ..

والحمدلله ان صديقاتي مراعين ذا الشيء فيني وخابزيني وحافظيني زين ..



...


مااعرف انام بدون مايكون التلفزيون بغرفتي شغال وحاطه الصوت ميوت ..


...


بعد ماتخرجت من الثانوي اخواني صمموا لي سلسله بها اسمائهم ومن وقتها وانا البسها في كل مكان ..

وان رحت لزواج مثلاً وماقدرت البسها لازم احطها بشنطتي ..

المهم تكون معي ولا بتصكني اووم الضيقه واحس اني مضيعه شيء ..


...


مااعرف انام الا والمخده فوق راسي ..


...


اذا لمس رجلي التراب او الغبار احس بتشنج ومايروح الا بعد مااغسلها بـ الصابون ..


...


مااعرف انام بدون مكيف حتى ان كان شتاء وعز البرد ..

بيتنا مكيفه مركزي وطبعاً هلي ماهم مجنن مثلي يفتحون المكيف بـ الشتاء ..

فـ اضطر ابوي المسكين انه يركب بغرفتي مكيف عشان افكهم من عادتي الغريبه ..


...


اقول ماتعرفون دكتور نفساني يحلل الحالات المستعصيه اللي كاتبينها عن انفسنا ؟