مـركـب الـهـاوي
تدلل يا بعد كلي .. تبيني فالهوى أضني ؟
تبي ذرة مشاعر ؟ لك بحر في خافقي مدسوس
تبي قلبي ؟ تبي روحي ؟ تبي تهدم وانا أبني ؟
يا قلبي كيف باردّك وانا لك خادم الفانوس !
أنا لك مركب الهاوي ولا به ريح بيهزني
يسيـر برحلة أشواقه إلى أرض الهوى المغروس
وانا لك قصة العاشق في ليلٍ والقمر يدني
وانا شخصية اللي من محبة صاحبه مهووس
بعد ما كنت أنا الجاني .. غديت ابـ عشقك المجني
متى بتمد لي وصلك ؟ وترفع بيرقي المنكوس !!
وانا مجنــون في حبّك .. غيابك حيـــل بهدلني
كثر عشقي تقول الناس أصبح فالهوى ممسوس
وانا ما همني قايل ولا حتى يمر باذني
كلامٍ من عواذل دام حبي بالشرف مدروس
على شانك أنا بكتب وبروي الشعر بك واجني
قصايد تمتلي إحساس .. دامك ملهم الهاجوس
وانا مابي أبد حاجه .. سوى يغمض طرف جفني
بعد ما اعيشها أحلامي وأصافح وصلنا الملموس