يارب ساعدني على كتمة الضيق ،،، وارحم عيوني من خـــوافي كنيني
يا رب يا محصي جميع المخاليق ,,, يـــا عـــالمٍ وشلون حــال الحزيني
همي بحر ودموع عيني مطاليق ,,, تلعب بها الأمـــواج في كـــل حيني
ازريت اشيل الحمل وسط المعاليق ,,, ثالث طعون العمر بـــأمـي تجيني
ساعة اطيق البعد وأوقات ما اطيق,,, كثرت على قـــلبي نوايب سنيني
من عقب ماني ارجى الرب توفيق ,,, في بــرها مـــا عاد تفرح يميني
ومن عقب ماني أرقد الليل وافيق ,,,النوم من كثر السهر عاف عيني
يا رب ترحمها قبل نشفت الريق ,,, واجعــل منازل قبرهــا يــاسميني
يا رب صبرني على حزة الضيق,,, وارحــم حـنون راح معهــا حنيني