|
رد: يَــا صَاحِبي مَلًّ الصبـح يَجمَعنِي مَـن بَـعد الَظـلًام
أبي أرحل عن الدنيا
وانا ساكت
لأنه حزني ألغاني
وأشواقي بعد ماتت
لأنه مابقى فيني
سوى جرحي
شوي من الألمـ
مدفون في صرحي
أبي أرحل عن الدنيا
أودع ناس
وتبكي ناس
وذيك عيون بعض الناس
ماتبكي !
ألم بيني وبين نفسي
يقلّي :
عطني آمالك وخذ يأسي
وسوي من بقايا الحزن
في ليلك
قصايد تصبح وتمسي
وودعهم بعد هالناس
تراهم مايحبونك
ترى ماعاد يبغونك
لأنك تختلف عنهم
وتلبس ثوبك الأسود
مطرز بالحزن والخوف
لأنك تنظر لأبعد
من حدود النظر والشوف
واقول احسن
أودع ناس
وتبكي ناس
لأن عيون بعض الناس
ماتبكي !
|