ملتقى طلاب وطالبات جامعة الملك فيصل,جامعة الدمام - عرض مشاركة واحدة - معلومات عن مادة الادب قد يفيد جميع المستويات (4-5-6)

ذكيه ميه بالميه · 2012- 2- 13

اقتباس:

المشاركة الأصلية كتبت بواسطة نجداوي حيل

ماقصرتي ذكية ....
للتوضيح في حرب الوردتين ..مافيه الا المحاضرة الثانية ولا يوجد فيها شرح مثل الي تفضلتي فيه لكن يمكن في المستوى مابعد الرابع

صج.؟

الله يسعدك يا نجدواي انا كتبت معلومات عن مادة الادب مو معناته ان هذا كل اللي كاتبته معاكم بالادب

اللي مجمعته لكم الله يسلمك تفهمك اكثر وش سالفة حرب الوردتين و من هم الملوك هذول و ايش علاقة حرب الوردتين بهالملوك و بالادب نفسه

مع العلم اني ذكرت لكم ان الاختبار من محتوى الماده و ليس من الملفات اللي جمعتها لكم

يعني اللي يبي يفهم اكثررررر وش سالفة الملوك و عصرهم بالخامس عشر و السادس عشر يقرا هالملفات على اساس يركز اكثر

في طلبه يحبوا يفهموا وش قاعدين يذاكروا و على اي اساس هم اخذوا سيرة الملوك لذلك انا فتحت هذا الموضوع

المحاضره الثانيه فيها اشياء كثيره مذكوره حتى بهالموضوع ما ذكرته و جا بالامتحان برضو مثل:

منو اللي كتب الانجيل باللغه الانجليزيه < اظن الملك جيمس الاول (لأن الانجيل بذاك الوقت كان مكتوب باللاتيني و كان اذا الواحد يبي يصير مثقف لازم يتعلم اللغه اللاتينيه )

في كمان معلومات عن اليزابيث و عن هنري الثامن

اكثر شي عن هنري الثامن و اهمها ليه بنى الكنيسه البروتستانتيه

في كمان معلومات عن كريستوفر كولومبوس و اكتشافه للامريكيتين و ايش مردودها على اوروبا

في اكتشاف الطابعه و انتهاء حرب الوردتين و منو اول من كتب كتاب خيالي من خلال هذه الطابعه و منو اللي تكفل بنشره له

امممممممم وش كمان في معلومات واجد

اي في كمان اللي هنري امر بقطع رأسه لأنه خالفه في طلاق زوجته الاولى

في واحد ناسيه اسمه كان صديق اللي انقطع رأسه

المحاضره الثانيه اكثر معلومات من الاولى انتوا ركزوا على حرب الوردتين متى انتهت (تاريخها يعني ) و الملوك الثلاثه هنري الثامن و اليزابيث الاولى و جيمس الاول ركزوا عليهم

جيمس الاول يحب القصص القصيره < وقتها شكسبير استغل الفرصه و كتب قصص قصيره كثيره على اساس رغبة الملك (علشان يكسب شهره)

اليزابيث الاولى من داعمي مسرحيات شكسبير

جيمس الاول كان يعجبه في القصص عن السحره و المشعوذين فكانوا الكُتَّاب في تلك الفتره يكثروا من تأليف القصص عن السحره و السحر

كمان اعرفوا ايش اسم المرأه اللي طلق هنري الثامن زوجته الاولى على اساس يتزوجها

اسماء ابناء هنري الثامن اللي حكموا : ادوارد الاول - ماري الاولى - اليزابيث الاولى

جانا بعد عن Martin Luther بإنه كم ثبت اطروحه على باب الكنيسه
(طبعاً الجواب هو ninety-five "95")

الظاهر اذا مو غلطانه جانا عن موافقة الملك جيمس الاول على استخدام السحر الابيض في عهده ولكن تحت قوانين منصوصه (السحر الابيض يعني سحر يساعد الناس بالشفاء و غيره من اشياء ايجابيه)

الخ الخ الخ.... اذا فهمتوا المحاضرين الاولتين ورسخ بالمخ بهالطريقه انتوا تثقفتوا حتى للمستويات القادمه و لأنفسكم

موفقين ان شاء الله و ترى هالموضوع مو الزامي انكم تقروه هذا الموضوع للاستزاده

تحياتي