|
رد: شلون أعرف جدولي ومتى تبدأ الدراسه بكلية العلوم الادراية والتخطيط ووووووو؟؟؟؟؟
وش مستقبلي
في البداية .. ألف مبرووووك قبولك في كلية العلوم الإدارية و التخطيط
اقتباس:
|
س1:شلون أعرف جدولي ومقرراتي ؟؟؟؟
|
تفضل على هذا الرابط :
http://www.kfu.edu.sa/reg-1428/Notes31.asp
واختار الجدول الدراسي الخاص بكليتك
و بتعرف المواد الي رايح تنزل في الفصل الدراسي الأول ..
و بخصوص تسجيل المواد في البنر ..
رايح يبدأ بالنسبة للمستجدين و المستجدات في يوم الأربعاء 23/8/1428هـ
اقتباس:
|
س2:شلون تبدأ المحاضرات وهل اقدر أحددها حسب استطاعاتي؟؟؟؟
|
لو لاحظت المواد في الجدول الدراسي .. رايح تشوف أوقات المحاضرات و أيامها .. و بإمكانك ترتب موادك على كيفك
و تقدر بعد مثلاً تخلي يوم فاااضي اوووف على كيفك و هذا يعتمد على اختيارك للشعب .. لاحظ كل مادة لها أكثر من شعبة في الغالب
اقتباس:
|
س3:متى تبدأ الدارسه يعني بأي تاريخ؟؟؟؟
|
الدوام الرسمي يبدأ من يوم السبت 26/8/1428هـ
و لا بد تروح من اول يوم الجامعة لأنهم يسووون يوم مفتوح للطلاب المستجدين و يعطونهم منشورات بخصوص الجامعة و كليتك و كل شي ...
أما موعد بدأ المحاضرات ..
فهذا يعتمد على الدكاترة الي رايح يعطونكم المحاضرات .. تواصل مع كليتك عشان تعرف في أول أسبوع من الدراسة ..
اقتباس:
|
س4:نظام التحويل بين الكليات يعني أقدر أحول من كلية الاداره الى كلية الحاسب لأن درجتي عاليه بهالتخصص وأحبه جايب فيه 97 من ميه؟؟؟؟
|
التحويل من كلية إلى كلية يعتمد على المعدل ألي أنت حصلت عليه .. و برضو وجود شواغر في الكلية الي انت بتحوّل لها ..
و لا بد تدرس فصلين دراسين ( سنة كاملة ) في كليتك الأساسية عشان تقدر تحوّل إلى كلية علوم الحاسب و تقنية المعلومات ..
اقتباس:
|
س5:أنا سمعت انه في كلية علوم اداريه وتخطيط في الدمام صحيح؟؟؟؟
|
المقر الأساسي لكلية العلوم الإدارية و التخطيط في الحسا .. و ما سمعنا من قبل عن فتح فرع في الدمام
و بإمكانك تتأكد من وكيل كليتك ..
اقتباس:
|
س6:اذا كان فيه ليه ماعطوني خيارات وقالولي تبي الأحساء ولا الدمام؟؟؟؟
|
ما أعتقد فيه يا خوي ..
اقتباس:
|
س7:أقدر أحول من الأحساء للدمام بما أني من سكان الدمام؟؟؟؟
|
على حسب كليتك .. فيه كليات موجودة في الحسا .. بس مو موجودة في الدمام
و العكس صحيح ..
مثلاً كلية التمريض موجودة بس في الدمام ..
و مستحيل أي طالبة من الحسا و سجلت في التمريض أنها تدرس في الحسا .. لا بد تتعنى و تروح الدمام و تدرس
و ما فيه قلق بهذا الخصوص .. لأن فيه سكن جامعي :s17:
هذا مثال فقط 
|