لحظاتُ تشييع الضيق وتوديع العتاب
بين قلوبٍ قُيدت (بسلاسل عشق)
هي لحظاتٌ يغارُ منها الصبح
كغيرة
أجمل النساءِ من أجمل النساء....!!

مابعد ضيقات المسا والمشاريه
....................... الا صباح الخير يااحلى أميره ...!!
صبحِ ٍ صدح به صوتك العذب يغنيه
................... عن طلعة الشمس ... وترانيم طيره !!

وعن القصيد وعن جزالة معانيه ...!
.................. وعن الهوى والورد وازكى عبيره ...!!
وعن كل مايسعد خفوقي ويغريه
.................. صوتك ينوب ويشعل الصبح غـِيره ..!

من بعد صوتك انتهت حاجتي فيه
...................... يامن قليلك سدني .. عن كثيره ..!!
معذور قلبي ينتفض لازهمتيه …!!
……...…….. محد سواك بنبض شوقه جديره ..!!