طبعا احلى مافي الطفوله البراءة ..~


اني لما كنت صغيره غييووره بشكل مو طبيعي ووللأسف للحين ذي الصفه فيي ومو قادره اتخلص منها<<توها اضغاث قالت ليي الله يعين الى بياخذش على هل الغيره

الموووهم لما كنت صغيره يمكن عمري سنتين
كانت بنت عمي (بنفس عمري ) تناديني من نص الدرج وانزل ليها ونركب جميع
تجي هي وتجلس على ارجول أمي واني اصرخ واقول (روحي للماتش هذي مامتي)<<ههههههه عرق الغيره نطق
عااد هي من لعناد ماترضى واقعد اكفخ فيها لحد مااتنزل وشوي تعود تركب ولاكنه صاير شيئ <<ياحلوو الطفووله بسسسس





وبعد لما كنت صغيره كل شوي اروح اطلع ليي بدله والبسها كنت دائما مأنقه ومرتبه <<على قولت صديقه اختي ..اني دائما جاهزه للطلعه







طبعا بيتنا هو بيت العائله والكل يسميه البيت الكبير
الموووهم
كانت جدتي تبيع حلااوة انواع واشكال وجدتي كانت ماترضى تعطينا الحلاوه سلف
وأمهاتنا يقولون لنا خلااص اخذتوو واجد ومايرضوو يعطوونا ريالات
احنا كنا جهال ونشوووف حلاوة ومانوصل لها هني يبدأ العقل يشتغل
ننتظر جدتي تطلع وتروح للجيران
وجدي على قد حاله كان نظره ضعييف مرره
ومايشوف عدل نقوم نشقق ورق ونرسم عليهم <<هههه نتفنن في الرسم بعد
ونروح لجدي نعطيه الاوراق عن حسبه ريالات وهو يصدق المسكين وناخذ لينا حلاوة خخخخخ
تجي جدتي وجدي يعطيها الاوراق وجدتي تروح تراويها ابوتنا
وعااد ذيك الساعه يحطوو فيهم دست <<دست يعنو تكفيخ محترم


وساعات الصباح نروح لجدتي ناخذ من عندها علبه جبن ونقول لها اكتبي في الدفتر على في صفحة ابوي
وناخذ بعد من عندها ريالين للخبز وهي كنا نعور بفادها وتعطينا



كنا نتجمع كلنا اخوتي اثنينهم واختي وبنات عمي ثلاث وولد عمي ويكون عندنا ريال واحد بس
نعطيه جدتي ونروح احنا ناخذ نص الحلاوة بالريال هههههههههههههههه <<مدري ويش كنا نفكر هل الريال مليون على غفله



كان بيت عمتي يفصل بينا وبنيهم جدار وكنا اذا نبغى شيئ من عندهم او يبغوو شيئ
نركب الصدح وفيه جدار طوويل يفصل بينا وبينهم ونحط خيييط وفي النهايته نربط سله
ونرمي ليهم الحاجه الى يبغوها خخ




وقبل مانزل من الصدح باقول شيئ بس سرري للغايه لانه نقطة ضعفي خخ

لما كنت صغنونه كانت اختي تسحبني وياها الصدح في الليل وتقول ليي وراااش سنووور
وتنزل عني تركض <<هي بس كذا تخوفني لاوراي سنور ولاشيئ
واني اسوي منااحة واوقف مكااني تالي اذا انتبهت ان مافيه شيئ انزل واركض خخ


بس منها اتعقدت من السنانير اكره شيئ في الحياه عندي شوفتهم وللحين اكررررهم عدل وماطيقهم وامووت رعب منهم
وبس مجرد اشوف صووورهم اتنرفزز وبقوة هع هع