المشاركة الأصلية كتبت بواسطة now or never

موقف محرج بس ربي فكني بهالموقف من حرمان وضبطت اموري مع المشرفين


كنت كالعادة اتأخر على المعهد وصارت عندي عاده البس ملابسي و اركض للسيارة


وجزمتي( تكرمون) البسها بالطريق, عند اشارة, في زحمه ,على الخط ,اي فرصه تحصل


المهم جا ذاك اليوم ومخربها سهران اكثر من العاده وما صحيت الا متأخر,,

طرت لبست ودقيت سلف و افقع متجه للدوام وطاير

اللي حصل اني لبست الجزمة اليسرى (تكرمون ) على الخط وما واجهت اي اشارة حمرا عشان البس اليمنى


خبركم حد الدعسة وما فيه وقت ارفع رجلي اليمنى


وصلت الدوام في وقت قياسي وانا انزل ركض كان الكلاس بدى من ربع ساعه


وانا اتخشش ما ابي المشرف الاقشر يشوفني ..


و انا داخل المبنى حسيت ببرودة المكيف واكثر شي في رجلي اليمنى

وانا اشبح في رجلي وهنا الطامة



ما العجلة والروعة نسيت البس الطبقة اليمنى وصرت بالرجل اليمنى لابس نعال زبيريه(تكرمون) واليسرى لابس جزمة الدوام


وما مداني ارفع راسي الا والمشرف الاقشر يا متدرب تعال... تعال ليش متأخر


قل عز الله رحنا فيها وين الاقيها من التأخير او من اللي انا لابسه


وماني عارف وش بقول له لاني دايم تأخير وغياب

المهم طلع لي برى مكتبه ولاحظ لبسي وجاته الضحكة ولجمها


قال بعد متأخر ومش ملتزم بالزي الرسمي


قلت انا افدى خشمك وكلك لا تزيديني روع زود مابي يكفي جايك نص لابس


ممكن طال عمرك اروح للسيارة اجيب باقي الزي الرسمي اللي انت تبي :cry111:


انا قلت كذا ويفقع ضحك شوي وتدمع عيونه من الضحك

قال روح اللي يستر عليك وتعال لي اعطيك إذن تدخل للكلاس

ومن بعدها وكل ما واجهته بالممرات يتبسم ويصد هو واللي معه


تهقون قال لأخوياه عن السالفة