|
ولازلت أتخبط في حكايه السداد .. افيدوني
 صباح الخيرات بنات / شباب
طبعا من العنوان واضح انه لازال عندي مشكله بالسداد ...مشكلتي من بدايه مافتحوا السداد وانا حاولت بالطريقتين اللي حطوها بموقع الجامعه وماجابت معي نتيجه اصلا ماكان في شئ يدل انه فيه سداد بخصوص جامعتنا الموقره....طبعا من زود الحماس اودعت المبلغ بالحساب اللي سددنا عليه السمستر الماضي ببنك الرياض القصه بدأت من هنا اول خطأ كتبوا لي السداد لجامعه الملك فيصل للابحاث العلميه وخدمة المجتمع طبعا رجعت البيت وكلمت على رقمهم اللي دايما مشغول فاضي وردوا افادوني انه ارسل خطاب لعميد الكليه وارفق معاه السند تبع الايداع وفعلا سويت مثل ماقالوا... طبعا يوم عن يوم ادق واسمع اسطوانه انه موضوعك رسلناه ولابيدينا شئ الان ...رجعت كلمت قبل يومين قالوا ماحصل شئ بالموضوع وارجعي سددي مره ثانيه عن طريق الصراف او الهاتف المصرفي لاننا اجتمعنا بخصوص هالحكايه وعندنا مبالغ هائله لا يمكن فرزها هالسمستر لحد الان انا لسى مافقدت اعصابي يعني 2815 ريال طارت زي السلام عليكم مدري يرجعون ينزلونها لي السمستر الثالث والا ....؟ استغفر الله ماباخذ شئ بذمتييي...
الان مابقى الا حل اني اسدد او يروح مني هالترم بتقولون اشلون ..؟؟؟ يمينا بالله صار لنا ثلاث ايام واحنا نحاول نسدد موراضي طبقت نفس الطرق اللي حطونا الاخوان والاخوات وخطوات السداد اللي بالموقع مانفعت واليوم جمعنا عده اشخاص كل واحد ببطاقه مختلفه اللي الراجحي واللي الامريكي واللي الفرنسي واللي البلاد واللي الرياض ومعانا احنا بطاقه الاهلي تخيلوا الكل سدد مانفع ولاطريقه ولا بطاقه استبشرنا فيها خير واخر مره قبل ساعتين سددنا عن طريق الصراف الاهلي وكاتبين المبالغ المستحقه مدفوعه ؟؟؟انا اللللي مجنني وشلون مدفوعه والكل ماقدر يسدد ؟؟؟؟ على طول الصراف يطلع البطاقه ؟؟؟؟
رحت الان للخدمات عشان اشوف الوضع المالي مكتوب لم يتم تسديد الرسوم بالكامل ؟؟وش اسوي مابقى قدامي وقت خلاص عالاسبوع القادم يسكر السداد؟؟ ولانستغي عن حلول المشرفات والمشرفين .. اسفه عالاطاله بس بجد وترني هالسداد شوفوا لي طريقه ؟؟
تحياتي للجميع
|