ملتقى طلاب وطالبات جامعة الملك فيصل,جامعة الدمام - عرض مشاركة واحدة - محاضره عمااار المعاني تكفووووون ساعدوني والله لادعي لكل واحد رد او رفع الموضوع

MlÕkЋ · 2012- 2- 15

اقتباس:

المشاركة الأصلية كتبت بواسطة عذاري 700

الله يجعل ربي يسهل اموركم لكل من رد على موضوعي

اتمني احد يفهمني الدكتور مرررره كلامه متواصل ولا يمكن للمبتدئين فهمه اوكي

والله يالاماسه اني حملت ملزمه عبادي كلها وحطيتها في مجلد خاص علشان كل شوي افتح محاضره واحاول اتعلم قد مقدر لاني لو جلست كذا بتعب من ذا الانجلش

وانتي يانجلا والله اذا لوكنت مع مجموعه ويتكلمون انجلش والله بسحب روحي ولاكاني اعرفهم عادي الوضع الامور سهاله

شاكرره مروركم

ياحياتي انت وضعك صعب وربي يوم شفت ردك جاني خليط من المشاعر فرح على حزن على ذكريات والله مدري وش اقولك
تصدقين مع اني ماودي اقولك عشان ماافضح نفسي بس يالله يمقن تتحمسين وتقوليين في ناس كانت اردى وتغيرت انا وش اللي يمنعني هذا ياطويله العمر انا يوم كنت بالمتوسطه كنت كسلااااااااااااااااااااااانه حدي كسلااااااااااااااااااانه تصدقين عاد انا والكرسي اللي قاعده عليه واحد واليوم اللي علينا فيه انقلش يوه هم ع قلبي وكانوا جايبيلي مدرسه (خصوصي )بس ماش درج مافهم <<يافديتني اسب نفسي علني ياويلك ان ماشديتي حيلك يكفي فضحت نفسي انا من النوع الغيور اذا شفت احد من اخواني يعرف يحكي انقلش اكثر مني ليه وش ناقصني ماعندي عقل واصلا الانقلش اهو حفظ اكثر من انه فهم
والاهم اروح مستشفيات ومجمعات فخمه واشوف عالم اصغر مني وبسني يحكون وانا اللهم ياكافي كني طرمى وكنت اتفشل واقول اكيد ذولي يقولون بنفسهم بهالسن ومتخلفه ماتعرف تحكي <<شوفي التفكير ساعات وين يوديك اذا شفت شايب انقهر اكثر شايب كبر جدي يسولف وانا الشباب واش اللي مشغلنيقمت بعدين اشتريت سيدي وكتب وعلمت نفسي بنفسي واللحين الله يسلمك كل عيال العائله والجيران انا المدرس الرسمي تبعهم لاني كنت حاطه بقرارت نفسي الابتعلم عشان ماتفشل كنت دايم ارددها مو مثلك ياحظي تنسحبين كنك ماتعرفينهم <<معليه بس ذي الصراحه واتمنى ماتزعلين والواحد دايم يحب يكون له تواجد وهيبه بين الناس ماظنتي احد
يحب يكون صفر ع الشمال

والله ضحكتيني يوم قلتي الدكتور كلامه متواصل اجل وش تبينه يوقفلك منا بمدرسه حنا اذا مافهمتي نقطه وقفي عليها وعيديها كذا مره تفهمين ان شاء الله ترى شرحه مره رهيب بس انت شايله هم هالماده واستصعبتيها واذا مره قفلت خلاص جيبيلك مدرسه خصوصيه والله يوفقك وجعله يارب ماتحملينها قولي امين