أنا المنفي
عرفتيني !
أنا من رتَّب اضلوعه و أثثهن .. أماني جيل
و سوَّا بيت ..
سكنتي به ثمان اسنين .. أو أكثر حيييييل
و هو ساكن مع لْحاله من أقفيتي
بلاد أغراب .. نسوها أحباب
شوارعها تجيب الضيق
وْ درايشها وراها اوجيه عليَّ اتويق
و تشتمني .. و انا ما غير اليِّمني
غريبة كل مبانيها , مداخلها , شواطيها
و الأغرب ..
ميَّها بكل حي .. و لكن ما يبلَّ الريق
وش أحكي لك ..؟
وش أكتب لك أنا عنها ؟
و انا منها ..
بلاد .. اللي سكنوا فيها تناسوها
وِ جا من عقبهم أغراب و احييوها بسوالفهم ..
عن الضيم .. وعن الترحال و أي ترحال !
غياب إيطيَّح الرجال

عرفتيني !
أنا المنفي
أنا من رتَّب اضلوعه و أثثنهن .. اماني جيل
و سوَّا بيت ..
سكنتي به ثمان اسنين .. أو أكثر حيييييل
و هو زي ما تشوفينه
رجع لك من بلاد أغراب ..
و جايب لك
بقايا ميْت
بقايا ميْت
بقايا ميْت