<~
صح
انا اول سنة في الكليه لكني لين الحين مالقيت لها ايجابيات
صحيح في بعض الدكاتره عسل
وبعضهم ماعندهم شي غير التحويل من مكتب الى مكتب اخر
الحين احنا مستجدات ليه ما جمعونا كلنا وفهمونا ان الكليه نظامها غير المدرسه
ليه ماشرحوا لنا وين نروح ووين نجي
ليه مارتبوا امورهم قبل نجي
ليه يقولون لنا روحوا انتظروا بالقاعات الفلانية ولاحد يعبرنا
ليه لمن نسالهم يطردونا برى ويكملون فطورهم وضحكهم علينا نحن المستجدات
سلبيات كثيرة تنوجد بهالكليه
وبالفعل احنا نحتاج حد يشرح معاناتنا نحتاج حد يتكلم عن اللي نشوفه
اجل كليه كبيرة عريضه مافي شي ينأكل
لا وثلاجاتهم اغلبهم خربانه وتاخذ الفلوس دون ماتنزل شي
اوك مقتنعين فيها لاننا طالبين العلم وحنا اللي محتاجين الشهادة
لكن بعد نبي شي يرضينا ويرضيهم بنفس الوقت
احنا لنا حقوق مثل ماهم لهم حقوق
حنا نعرف نعصب مثلهم وحنا بشر مو وانتو بكرامه بهايم يقصون علينا او يطردونا كانه ذبان
في مثل يقول
حدث العاقل بما يعقل
ياليت لو وحده مننا تكتبت بالجريدة وتكتب عن البنات المستجدات
اللي سوى لهم النظام تحسين رغبات
وداوموا بالكليه ولقوا انهم ماهم موجودين بالكليه وانه لين الحين بقوا معلقين
محد معطيهم الخبر الاكيد
او لمن قفل النظام ومالحقوا عليه
في اشياء كثيرة لازم الواحد يتكلم عنها في اشياء كثيرة
بقيه البنات تشوفها وغيرها لا الا لمن احد يشرحها صح
تعالوا وسمعونا لمن نكون حايسيين بالاداره ننتظر دورنا يجي وبالاخير تقول انتي مو عندي
اشياء كثيرة تستاهل حد يتكلم عنها او حتى يشتكي
عذراً للاطاله ولكن في هالاسبوعين شفنا الويل
نرجع البيت محطمين وبداخلنا افكار كثيرة مشتته
بداخلنا اسئله تحتاج الاجابه
وهم وينهم؟؟
احنا المحولات اللي ضايعين
وبالاخير مانلقى حد يستقبلنا غير وسادتانا نشكي لها ضياعنا وضياع مستقبلنا بأحتفال من الدموع
واعتذر مره اخرى
موفقين
~>