|
رد: خــذ راحتكـ بس لا تآخذ رآحتــي ..
أمد شوفي صوب الأيام قدام
ليّه طموح ولكن الجرح خافي
وتطعني الأعوام قدام الأيام
وأكتب على صدر الليالي اعترافي
للماضي الي ضم عذبات الأحلام
أقفى لكنه بين الأضلاع غافي
تاخذني الذكرى وهي فوق الاحجام
لو إن وضع اليوم محزن وجافي
ياحسرة الفرقا وياثقل الاقدام
صبح العتاب يهز ليل التجافي
تخنقني العبره على درب الاعدام
واشوف ثوب الليل ساتر وضافي
كنا ومازلنا وللصمت هندام
ويجتاحنا هم السنين العجافي
نحب فوق الوصف ياوصف الاقلام
وفوق القصيد ونادرات القوافي
حب ٍ كسته ظروفنا بعض الاوهام
يبقى ولا فوقه عتب وأختلافي
نكبر وهو يكبر على طول الأعوام
وصدقه مثل حد السيوف الرهافي
أبلغ من التصوير واعداد الأرقام
ومن دمعة المظلوم لا قال كافي
خلوني أبصم صفحة العمر ببهام
ربي كتب لي واحد(ن) مايشافي
وما للقصايد عذر عن بعض الالهام
تكتبني بصدر السما للفيافي
أعيش دام الشرق عينه على الشام
وقلبي لمنهو حب صادق و وافي
والماضي الي نام في صدري وقام
يهيج طول الوقت ماله مرافي
قلمي
|