ملتقى طلاب وطالبات جامعة الملك فيصل,جامعة الدمام - عرض مشاركة واحدة

همس الغرور · 2012- 2- 19

مشكوره اختي غزاله .. راقيه بأسلوبك ..

اعتذر منك لانك طلبتي يوقفون نقاش اتمنى منك ماتزعلين علي لي تعقيب على كلام اخونا جامعي ..

اقتباس:

المشاركة الأصلية كتبت بواسطة جآمعيُ مقلعً

-

معلييييش بس التوتر وين نسيآن آسم دكتورك كل آختبآر وينُ
لو مآده مشينهآ لهم لكن كل مآدهُ خخ معليشُ !

+ كلمةُ تربيهُ خليتهآ شموليهُ لانه تربيهُ الذآت مرتبطهه آرتبآط كليُ بتربيهُ المنشأ
و انا ع العكس تمآمآ معك الان نعيش ذروةُ تطوير الذآت النآس صآرت تعرف اللي لهآ واللي عليهآ و آكبر
دليل كميه الاقبآل اللي صآيره ع التعلم عن بعد كلن يبي يطور نفسه آمآ لـ/رآتب آو شهآده آو آمآن مستقبليُ
و كلهآ تصب ف تطوير الذآت اللي تقولين من النوآدر و آنآ ضدك بهآ النقطهُ

+ تبشريني بمصآيب مجتمع و اسئله تدل ع شخصية الشخص اللي طرح هالسؤال ههه

كيف يااخوي اللي مايذكر اسم دكتوره قليل تربيه ..

وانا اختك التربيه وين ونسيان اسم الدكتور وين ..

التربيه امور كثيره مانقدر نتهم احد بقل التربيه الا اذا تأكدنا من معدنه واحنا مسلمين ونعرف ان الاتهام بشي كبير مثل التربيه مايجوز ..

وبعدين بعض الدكاتره اسمائهم صعبه وماله داعي نكتبها غلط ..
انا من الناس اللي كنت انتظر ورقة الاسئله علشان انقل اسم الدكتور ..

وبعدين انا تابعت اكثر المحاضرات وماكان ينذكر فيها اسم الدكتور واحنا ماعادنا صغار بالثانوي كل يوم نداوم ونظامنا معروف والا حتى منتظمين بالجامعه ومتفرغين ..

اكثرنا عنده ظروف وضغوطات بحكم العمر لانه كل ماكبرنا زادت مسؤلياتنا ..

انا ولدي مريض اراجع فيه بألمانيا الله يخليه لي يارب ..
واكثر الوقت اكون مسافره جيت الرياض قبل الاختبارات بأسبوع وكانت السفره طارئه حاولت قد مااقدر ارتب وقتي علشان اقدر ارجع قبل الاختبار ..

ولما جيت امي تعبت تعب مفاجئ وتنومت بالمستشفى واضطريت اجلس عندها واطلع من المستشفى على الاختبار وبعده ارجع لعيالي وفي الليل عند امي .. الله يخليهم لي ..

لكن محد يدري وش ظروف اللي نسوا اسم الدكاتره اذا كان نصهم استهتار ترا الكثير مثل حالاتي الله يعلم بالخفايا ..

وانا بحكم ظروف حياتي اضطريت اسحب من الجامعه العربيه ومااكمل ولا اقدر ألتزم بوظيفه فكان الحل الانسب التعليم عن بعد وانااحمد الله كل يوم على مثل هذا القرار اللي اتاح لي اني اكمل تعليمي بطريقه مريحه لي .. لانه غير كذا ماكنت راح اقدر اكمل دراستي ..

وبالنهايه اتمنى من الجميع فقط يتحلون بأخلاق الاسلام وبنكون بإذن الله دائما من ارقى واجمل الامم ..

اتمنى اختي غزاله تعذرني .. وشكرا لك ..