بسم الله الرحمن الرحيم


وصلى الله وبارك على سيد خلقه سيدنا ونبينا محمدا عليه افضل الصلاة واتم التسليم وعلى اله وصحبة الكرام







اليوم دخلت المجلس وحصلت اخوي المولع بالمحاسبة جالس يحسب بعض الامور بأوراق عنده


كنت اظن انها شغل له لانه مرات يحب يشتغل محاسب لانها هوايته الادارة المالية

المهم جلست وتحدثت معه وقلت وش هالاوراق اللي معاك وش جالس تحسب

قال جالس احسب معدل متوسط لشركة احتكار عندنا


وفجئة قالي شرايك بمليون كل يوم يعني مليون ريال خلال 24 ساعة يكون ربحك الصافي

قلت والله شئ طيب بس الحمدلله على كل حال


قالي شوف يا خوي هذا المحتكر له 21 قصر في العالم وله مالا يقل عن 100 فيلا بين دول العالم من ساحليه الى اوروبية طبعا فرق بين قصر وفيلا

وسنوات احتكاره كانت فقط 9 سنوات فما بالك لو كانت 20 سنة

وبدأ يذكر لي بعض الامور الثانوية في نظري مثل كم مجمع سكني خاص مغلق وكم شالية مغلق وكم هائل من السيارات


قلت له ياخوي انت تحسد الناس قل الحمدلله على كل حال ومن راقب الناس مات هماً


فقالي لا بالعكس انا انسان قنوع ولكن وقعت بين يدي معدلة الزكاة لهذا المحتكر الجشع وحاب احسب زكاته فقط

المشكلة ان الاحتكار يسبب تضخم هائل في ثروة الفرد يعني تخيل معاي مليار لعائلة واحد او عدة مليارات لعائلة واحده يدفع ثمنها المواطن بسبب الاحتكار


ان مايسببه الاحتكار من ازمة في المجتمع بسبب ان السلعة تكون بيد مستخدم واحد يستطيع ان يتحكم بها كما يشاء


بل تحدث اخي وهو الخبير في امور الاقتصاد وقال لي هل تعلم ان هناك مشريع ممنوعه في الوطن والسبب انها تريد هامور واحد يدفع ويستلم

ليش المواطن الكحيان يقوم بهذا وبالاخير يصير تاجر

قلت كيف اشرح اكثر


قال المواطن لما يفتح مثل هذه المشاريع في البقعة الفاسده في التجاره لن يستفيد منها فاسدين التجاره ولهذا جحا اولى بلحم ثوره

والتجار يقدر يدسم شواربهم بكم مليون وبالاخير يطلع يستاهل


قلت طيب حتى لو مافي احتكار بتكون السلعة ثابته ...!!


قال بالعكس لو فرضنا ان هناك 10 شركات تستورد سيارات من ماركة معينه

سوف تكون المنافسه بينهم في سعر الفائده

بدل ما تشتري اليوم من الشركة الوحيدة سياره ب100 الف وبفائدة 31 الف بدون الاحتكار تشتري سياره ب100 الف بفائدة 7 الاف ريال فقط او 4 الاف ريال

قلت طيب وغير السيارات

ضحك وقالي تشوف الشركة اللي بلطوا منها البحر هذه الشركة صارت نقمة لدرجة ان شوارعنا صارت ضيقه بسبب تبليطها بالغصب ...


قلت طيب وش حاب نسوي الغني في هالزمن غني والفقير فقير

قالي لا المشكلة في الخمس سنوات القادمة ان لم تحل مشكلة الفساد وفك الاحتكار سوف يزداد الغني غنا والفقير فقر

يعني بتكون نسبة الفقر عندنا قد تتجاوز 40 % من المجتمع


طيب وش الحلول في هالمشاكل

قال الحل دعم المواطن لتكوين تجاره خارجية وفتح مجال الاستيراد سواء بكميات عاليه او قليله لمنع الاحتكار من جديد


ثم توقف قليلاً وقال شوف شوف


الان اصبحنا مجتمع مفكك بكل ماتحمله الكلمة

مع التغيرات الحاصله في العالم وتأثرنا فيها لا قدر الله اذا حدث مكروه او فتن اخرى سوف تنتهك الحرمات ..!!

قلت بس المجتمع مسلم والمطاوعة كثير والحمدلله

قال ذاك في فتره الرخاء ولكن في فترة الشدائد لن ترا الا من رحم الله ...!!

لم افهم قصده وبعدها ذهبنا الى صلاة العشاء


ولكم الشكر والدعاء