المشاركة الأصلية كتبت بواسطة لوجي الشرقية ~ كيف هي آلية تعاملكـ مع طلابكـ وهل ستكن لين ام قاسي [ والله لاصرت معلمة لاعطيهم مراجع _+ والله لا صرت معلمة ماهاوشهم اذا مآذاكرووآآ ] ^ نرددهآ ب ّ الصغر ونحبب اللينون وف الاحيآن نتمآدئ معهم ونهآب الجآدون المعآقبون نحذر من الخطآ عندهم .. متنآقضون جدآ .. لابد من قسوة حتآ تكن الامور كمآ يجب وان كانت الفائدة كلهآ لنآ + ستكوني تلكـ المحببة اللينة ام الشديدة الغير محبوبة ..

صادقه من نحن في المدرسه ونحن نردد ان مستحيل نطلع مثل معلماتنا ..

ومستحيل نعذب طالبتنا ..

وبنعطي آخر السنه ورقتين يحفظون منها ..

وكل اعمال السنه كامله حتى ان كانت نايمه ع الطاوله طول السنه ..

وبعطيهم بنص الاسبوع يوم اجازة من الحصه ..

واذا جات حصتي بحطهم بالساحه في الهواء الطلق عشان يستوعبون اكثر ..

وهياط ماله اول وتالي

لكن للامانه وصلت قناعه ان كل جيل في التعليم اسوء من اللي قبله الا من رحم ربي ..

جد البنات صاروا اقوى من المعلمات ويدخلون في عينهم ..

بنت خالتي تقول ان في مدرستهم البنات يضربون المدرسات عادي

ومالها اي احترام لدرجة انهم يطلعون من الفصل بدون استئذان !!

وبنت امها اللي تفكر تكلمهم او ترفع صوتها عليهم !!

والتعهدات عندهم يكتبونها وهم في قمة سعادتهم يحسون انهم حققوا انتصار وبطولات اذا كتبوها !!

وبنت خالتي الثانيه وهي تطبق بـ السنه الاخيره من الجامعه كان تطبيقها في ( متوسطة بنات ) تخيلي كانت ترجع لبيتهم تبكي والله العظيم ..

مدري وش كانوا يسون فيها !!

يعني انا شايله فكرة التدريس من بالي تماماً ..

لكن لو الله جبرني في يوم وصرت في السلك التعليمي صدقيني ماراح امشي معهم الا بـ العين الحمراء والخضراء والزرقاء ان كانوا مثل اللي اسمعهم عنهم

طبعاً الوزارة للامانه اغلب قرراتها صارت مع الطالب ..

اذكر ايام الثانوي بنات العلمي قشعوا معلمه من المدرسه بسبب شكوى قدموها للوزارة وجات لجنه وزحمه ..

والموضوع كله مايستاهل ..

احس كل شيء في زمنا ضد المعلمين ..

ولا في شيء يشجع انك تدخلين هـ المجال لا راتب ولا طلاب ولا مدارس ولا منهج ولا حتى اداريين ..

واعتقد الشباب وضعهم اسوء من البنات ألف مره ..

اتوقع هـ المقطع يحكي معناة بعض المدرسين ..

http://www.youtube.com/watch?v=YieY_...eature=related

اجل هل طرحك ارضاً .. واهم شيء الطالب يحسب شبر عن الارض