ملتقى طلاب وطالبات جامعة الملك فيصل,جامعة الدمام - عرض مشاركة واحدة

Mo0oly.B · 2012- 2- 21

اقتباس:

كيف تتعامل مع صديقگ اذا تغير؟
هل تحاول أن تسأله عن سبب تغيره؟
أو من السبب في تغيره؟
أم انگ سوف تتجاهله وتنساه ..؟؟

لآ اكيــد انا رح اتصل وانا ابادر وسال ,, واكيد رح استفسر من صديقتي سبب تغيرها عليا ..

مارح اسمحليها تتغير من راسها وكيفها,, واكيد حيكون فيهـ سبب مقنع لتغيرها ..

اما انها سمعت من احد كلام انقال على لساني

.. او صدرت مني حركة عفوية فهمتها غلط

..

او انها تحتاج فترة لنفسها ,, تفكر او تدرس حياتها ودا من ابسط حقوقها .

.

بس اكيد رح يكون فيه سبب ..

وانا ماايد كتر التقارب بين الناس ولو كانت اعز صديقاتي ..

مااحب كدا انا ,, صديقتي والصداقة ع العين والراس بس كمان كل انسان له خصوصياتو وانا مااسمح لنفسي ادخل بحيات اي انسانه الا اذا هيا فتحت قلبها وتكلمت ..

وانا معاها لحد ماتشوف فيني اختها واكتر او لحد الموت لو حبت ..

اما لو تغيرت بدون اسباب .

. وسالت وقالت مافي شي والتغير زي ماهو مستمر

.. ماعاد رح اسال

.. رح اعطيها وقتها واكيد رح تجي يوم وتكلمني

ولو ماجات

....!!

وتبغا هيا البعد وشايفة مصلحتها وراحتها ببعدي ... الله معاها ..

مارح اتصل ولا اسال بعد كدا ,, بس لو اتصلت بعد 10 سنين حتلقاني زي مانا معاها ,,

ماحتغير بس اكيد حعاتب بروح رياضية ,,

ذكرني موضوعك دا بوحده ,, معايا فترة طويلة مرا كان فية بنات يوصلولها كلام على لساني ويحلفونها ماتقولي علشان مزعل

..

جات البنت بعد ماطفح معاها الكيل على قولها ,, ونزلت كل اللي بقلبها وهيا تبكي وتصيييح وتحرك يدينها وعيونها وحواجبها ههههههههههههه...

وتقول كلام طالع نازل مااخبي عليكم جرحتني الائيمة والله بس انا ساااااااااااكته واطالع فيها <~ موطبعي اسكت بس لانها صديقتي واحبها غظيت الطرف عنها,, بعد ماخلصت ,, قلت لها كلمة وحده بس .. صدقتي ....!!

قالت لا .. قلت ليش تبكي؟؟
قالت مدري انقهرت ...!! قلت تنقهري من كلام كدب ماله اساس من الصحه....!!

قالت انا اعرفك لو فيه شي زي كدا حتقولي بوجهي قلت خلاص ,, فجو البنات وهيا تبكي ,, فضميتها انا ,, وابتسمت .. جوقالو اشبها قالت التانية اشبها <~ دحين يسوقو العبط مايدرو

وقلت كانت تبكي وتعتذر انها صدقت بنات كانو يبغو يفرقو بيننا ,, بس ي حرام ما قدرو
وعلى طول صديقتي التفتت لهم وتضاربت معهم باللسان وبعدها تشابكت الايادي ,, ودخلت معاها وطلعت الاول والتاني منهم <~ اجرمت فيهم ههههههههههههههههههه

وبس ...
من قصتي دي ابغا اقولك طالما الانسانه اللي قدامي اختارتني ان اكون صديقة لها ماتصدق اي كلمة توصلها عني لانها تامن تماماً اني مارح اخبي عليها شي يخصني ويخصها ..

ومستحيل انا اتكلم عليها ,, لانها خلاص صارت اخت مااقدر اتكلم واطعن في اخت لي لم تلدها امي .. مو تزعل ومدري اش تسوي بروحها

شكراً ع الطرح نفضتي الغبار عن ذكريات كانت شبه مدفونهـ ,,