صباح الورد
قسم بالله انا مدري ليه ما درستوا انتظام
نعنبوا داركم دوافير مذاكرة من اول محاضرة حتى الانتظام ما سوووها
والمشكلة المعدلات خرطي
اسمعوا انا ملزوم فيكم واحد واحد الشكوى لله حكم الاخ مشعل ويمون
بس انا ما بديت اذاكر ولا عندي نية اذاكر هالحين .. ولا لماذا كنت ابحث عن جدول مريح للاختبارات
علشان اخذ راحتي ...
وانا مستغرب من الناس اللي ما يعرف الا بملخص يا اخي عندكم محتوى ومحاضرة
اطبع المحتوى واسمع المحاضرة واكتب وعلق وشخبط وشف اللي يركز عليه الدكتور الا حق نظم المعلومات ما يحتاج لانه يقرأ المحتوى ومنزل راسه تقول خائف من الكميرة
طبعا هالكلام لجميع المواد .. مثلا المستوى الاول غيروا لهم حق الادارة والافتصاد يعني يفصلون مثلا .. ما فيه ملخصات لهم .
والمستوى الثاني غيروا حق مهارات الاتصال ويمكن الترم القادم ناخذ مواد ويغيرون اساتذتها .
وبالنسبة للسلوك اللي راهنت عليه ان المادة سهلة وفعلا اسهل مادة بالترم هي بلا منازع
نوف مثلا لو تقرأ المحتوى فقط وهي ما سجلت المادة دخلت الاختبار جابت معدل وهي لكم عليها
يعني انتم اذكى منها بواجد...
على العموم المناقشات هو رائك تجاه قضية ولا يوجد حل نموذج كالواجب
على فكرة المناقشة لو تكتب اسمك في جميع المناقشات فقط حسبت لك الدرجة كاملة .
يا شباب الاختبارات 6/19 وكل اختبار يكفيه ثلاث ايام بالكثير ..
انا اعتبر اللي يراجع هالوقت يضيع وقته لان مراجعته فقط اطلاع ومحاولات لا تحمل الجدية
انا اقترح ان المذاكرة الجدية والقوية ممكن تبدأ من 6/1 بصراحة فلة .
انا سمعت بداية كل المحاضرات
المحاسبة كويس .. الرياضيات عنده علم بس ما يعرف يوصل معلومة ..
نظم المعلومات لو يطبعون لنا المحتوى بدون محاضرات افضل لانه يجيب الملل ويقرأ المحتوى
الاقتصاد كأنه شيخ مصري في محاضرة دينية بعد صلاة الجمعة في قناة دريم .
السلوك كويس شرحه ومادة نظرية .. نظم المعلومات ما تعمقت معه بس شكله كويس .
وبالتوفيق لكم ... بصراحة توهقت ودخلت الاسهم وما عاد اركز ودوام مساء وقروشة اسهم بالصباح .
يعني اتوقع اني ما اذاكر الا متأخر بس لعيونكم السلوك بتابعه علشانكم .. وعلشان نوف تنقهر
وانا بصراحة بديت امل من المنتدى لاني توقعت كل اللي فيه ناس كبار وعاقلة وراقية .. ولكن اكتشفت ان فيه ناس مراهقين ومقلعين الله يصلحهم
