|
رد: سَجِل حضورِك بِ بيت شعر [ بدون تَواقيع ]
[mark=#666600]
مديت لك يمناي يوم انـت محتـاج @ وثنّيتها يوم انت في غاية الضيـق
ومشيت لك بإخلاص مع كل منهـاج @ وسعيت لك في كل مافيـه توفيـق
مااغضيت عنك وفيك ماكنت هـراج @ طبعي ومن طبع الرجـال المطاليـق
ويوم انها صارت سهالات وافـراج @ وتفتحـت قدمـك دروبٍ مغالـيـق
مريتني كنه علـى راسـك التـاج!! @ مـن الكبـر ماتلتفـت فالمخاليـق
لو ان في وجهك حيا جابك احـراج @ ولو فيك شيمه مانسيـت المواثيـق
والا فأنا مااندم علـى فلـة حجـاج @ عاداتنا نفزع اليا انلاثـت الريـق
لو دم جوفي للخوي طـب وعـلاج @ غدا لدمي مـن عروقـي تدافيـق
رداك هـذا مايسبـب لـي ازعـاج @ مادامني مااخطيت لاازعل ولااضيق
دنياك غرت مثلك افـواج وافـواج @ تهافتـوا ورى المصالـح مشافيـق
ياما بنوا فيهـا عمـارات وابـراج @ وشاخوا على ناسٍ وراهم مطافيـق
ويوم اعتلوا تخلخل الوضع ثم مـاج @ وهوت بهم من عاليات الشواهيـق
شف وينهم ماكـن منهـم حـدٍ داج @ ومصيرهم مااظـن يحتـاج تعليـق
دنياك غبٍ تصطفق فيـه الأمـواج @ ماتنومن لو جـا ثمرهـا مدانيـق
والسيل مايخلف مسيلـه ولـو راج @ لازم يجيله مـع مسيلـه تصافيـق
هاذي هي السجه ولا غيرها احتـاج @ ومتى نبشـر بالمطـر والتوافيـق!!
[/mark]
|