يسعد مساكمٌ بكل خيرٌ
وش اخباركمٌ عساكمٌ بآحسن حال :")
شرايكم بمشاكل النسخ واللصق اللي مايعرف عواقبها إلا اللي يكثر منها
بعض المواقف للتوضيح :
خلال المواقف اللي مرت بي او شاهدتها بالمنتديات صراحه مخجلة ومضحكه
يعني تخيل فيه ناس تنسخ نسـخ عشوائي يعني اوكي ماقلنا شي الطش لكـ موضوعٌ بس اقراه قبل تسوي له لصـق هع لاتجيب العيد
تعال شوف بعض المواقف المحرجه
في احدى المنتديات المختصه بالكورة
كانت فيه مباراة لنادي الهلال ونادي اخر
والمباراة نهائيه ع الكأس
اكيد عرفتوها
المهم واحد بالمنتدى الطرف الآخر ناسخ موضوع من نادي الهلال
مختصر الموضوع تحليل لتفاصيل الفريقين على ماآظن
ونسى اخينا ان بأخر الموضوع مكتوب وتوقعاتي الكأس للهلال
واتمنى الفوز للزعيم والله يوفقك يازعيم << وترى ماجاب العيد ونسى وسوى لصق بالمنتدى الثاني هههه
الاعضاء قامو عليه انت مندس وانت مع ذاك الفريق وتوهق ههه
وهو المسكين مايدري نسخ =لصق
والمشكلة تشوف كثير من هالآمور تتكرر
يعني من ضمنها ينسخ وينسى ان تحت مكتوب
دعاية لمنتدى ثاني
أو مع تحيات فلان اللي هو شخص آخر
لا ويجيك واحد شاطح بقوة عندي بالواتساب
مرسل لي يوم الخميس
جمعه مباركة ههههه
اهبل
هذا يسمع بالنسخ واللصق
اللي بعدوو :$
تعرفون بالمناسبات كالعيد مثلا او شهر رمضان المبارك
تكثر المسجات للتهنئه واكيد اغلبكم مر بهالمواقف
من ضمن الرسايل اللي وصلتني من شخص اعرفه
المهم كاتب كل عام وانت بخير وتهنئه طويلة
باأخرها كاتب فلان بن فلان اللي هو شخص ثاني
ماله علاقه بأسم خوينا
وانا اللي اضحك دريت ان خوينا مفهي مايقرا المسج كامل
يشوف بدايته ويرسل
اتصلت عليه وش اخبارك وش علومكـ
يابو الشباب لاعاد ترسل تهنئه اتصل مرة وحدة هع ...
واحد ثاني بالغلط صديقي طبعا مرسل لي مسج
" كل يوم سوق سوق ماصارت ترى طفشت "
ههههه دريت انه متوتر صاحبيٌ ويبي يرسلهآ للمدام ارسلها لي
وانا اللي ماصدقت خبر وارسله
"لاتكثر بربرة بكرة العصر تودينا السوق وجب على طريقك خبز وحليب+ زايد فيس مستحي "
<< انواع الضحك والتهزيئ جاني هههه
مرة من المرات بالدوام .... مدير قسمنا ارسل رساله عامة لجميع الموظفين اللي طبعا داخل قسمنا
يوصينا بشغلة وكذا وبالاحرى مجموعة شغلات
واحد عندنا مفهي قراها وهو ماهو ذاك الزود بفهم طريقة الارسال
راح سوي اعادة توجية او كذا يبي يرسل لي
طلع مرسلهآ للمدير وللعموم هههه
" الله يبلشه هالمدير كل يوم مطلع لنا شغله طنشوه ياعيال "
<< ماراح فيها طبعا
امممم وخلصنآ :")
زبدة الموضوع
"
التركيز وعدم العشوائيه في اصغر الآمور
والواحد لازم يكون مفتح شوي
لاتحط نفسكـ في مواقف محرجة انت في غنى عنهآ
"
اجازة سعيدة وخميس هادي ويوم دافي ونشوفكم على خير