2012- 2- 24
|
 |
متميز بملتقى الفنون الادبيه
|
|
|
|
|
تدري وش يجرح القلب ياشوق
تدري وش اللي يجرح القلب ياشوق
إنك تسيء الظن بإنسان حساس
،،،،،
والله وربي البارحه حيل مخنوق
معذور دآم الناس ما تامن الناس
،،،،،
آون وأغفى وأرجع آون وآفوق
ما كنها إلا ونة العود لدباس
،،،،،
وآجر من صدر التناهيد طاروق
يمكن يخفف ضيقتي الحين هوجاس
،،،،،
أنا كذا أزعل ومن حالي آروق
وآغمض عيوني كذا وآخذ أنفاس
،،،،،
لأن البشر في طبعها دايمن عوق
إلا صحيح الناس في طبعها أجناس
،،،،،
الناس في هالوقت يا تحت يا فوق
إما تعيش إبعز ولا بتنداس
،،،،،
إن ما رفعك القرش يرفعك منطوق
جامل تمصلح إكذب وقبل الراس
،،،،،
كذا تحس إنك مع الناس مخلوق
وبعض المواقف مشها دون إحساس
،،،،،
لأن الكرامه دمها صار مدفوق
أعلن لها هذا الزمن والله إفلاس
،،،،،
أقفى زمانن في جاهات وحقوق
وجانا زمانن إكثروا فيه الأجناس
|