|
رد: تكفووووووووون ابغي حل هذا
هلا حبيبتي ...
انا ماني عارفه الكتاب وينه .. بس هذي القواعد اخذينها من المدرسه ماشاء الله 
طيب بشرحلك ياها بشكل مبسط وإن شاء الله تفهمين علي
انتي لما تجين تحولين من ادجيكتيف لادفيرب .. يعني من صفه لحال
بتضيفين عالادجيكتيف ly
وطبعا ً مو كل الصفات في شذوذ عن هالقاعده بس أكيد إنتي بيجيك ريجيولار ادجيكتيفز ..
المهم انه لما تحولين الصفه لحال .. بعض تركيب الجمله عندك بيتغير
خليني احل الاولى لك وانتي ع نفس الشسمه تحلين الثانيه ..
الصفه عندك فايولينت ( شديد أو عنيف أو قوي )
بتحولينها لحال بتصير فايولينتلي ( بشكل شديد أو بشكل قوي )
نشوف هنا في تغيير من صفه لحال تغير شوي التركيب فبنروح ونغير شوي بتركيب الجمله
جملتك :
There was a violent reaction between the two compounds
كان هناك تفاعل قوي بين المركبين
بتغيير الصفه لحال تصير :
The two compounds reacted violently
المركبين تفاعلو بشكل قوي ..
طبعا ً إنتي عندك بشكل عام تركيب الجمل : سبجيكت + فيرب + اوبجيكت
التغييرات اللي صارت حذفنا there was a
لانها تعتبر مبتدأ الجمله بوجود الصفه ..
بتغيير الصفه لحال نحول الناون اللي هو ريآكشن لفعل ماضي فيصير ريآكتيد
لأن اصلا ً الفعل هو كلمة يتفاعلان .. لاتدخليني بالعربي بليزات 
أوك حبيبتي وبس هذي هي
حولي الصفه لحال .. وغيري بترتيب الجمله شوي ..
وحولي الفعل لماضي .. بتقولين لي ليش حولنا لماضي
بقولك لان عندنا بالجمله الأصل كلمة there was
مو كل الجمل نحول الفعل فيها لماضي ع حسب الجمله نفسها تقع بأي زمن ..
وانتي عندك هوم وورك الثانيه عشت الدور اني استاذه
اممم قاعدة which
مو أي جمله بنحذف منها بعطيك جملتين وبوضحلك الاختلاف وانتي هنا امشي ع أساسها
طبعا ً الجمل من تأليفي وإخراجي ماشاء الله
اول جمله راح يكون فيها فعل ..
the bird which sings to us
هنا يا حبيبتي نخلي الجمله زي ماهي
لانها فعل وفاعل ومفعول به فما نحذف منها شي ..
the bird is an animal which we all love
هنا لا .. بنحذف which لان الفعل عائد علينا .. مو عائد عالعصفور
الخلاصه شوفي تركيب الجمله فعل فاعل مفعول به
اذا كان الفعل عائد ع اللي وراه الويتش .. لا ماينحذف لان الجمله كلها بتصير خطأ
اذا كان عائد ع فاعل ثاني زي الجمله الثانيه هنا نحذف ويتش عشان نسوي شورتن للجمله ونختصرها
وبس حبيبتي ... اعتذر لو ماكان في شي واضحه لاني اكتب ع عجاله
ودعواتك عندي اختبار بكرا 
|