يابنت الناس .... حسي بإختناقي .... وإكسبي معروف
................ يجوز إتمر .. ( عصفورة أمل ) .. وتغازل .. أنهاري
بدونك .. صرت .. بيدين : الحنين / العابث / الملقوف
................ تولّتني الظروف ... وريح شوقي .... هزت اشجاري
تعبت أرسم .. على بابك .. ملامح وجهي : المخطوف
................ بليلٍ شب .. عيدان الجروح ... وكنت انا ... الذاري
تعبت آقطّع ورودي ... تروف ... وماتروف ... تروف
................ تعبت... أجلس قبال النهر .. وأغسل بالي ... أفكاري
تعبت أسهر .. وأطيّر للسما .. دمعه .. وزوج إحروف
................ تعبت ... آقول ... يارب العباد ... يهزها .. الطاري !
شقول .. لشمسي اللي صابها .. بعد الغياب : إكسوف
................ مرآية غُرفتي /... ( كلمة أحبك ) /.... دفتر أعذاري
تعالي ... مابقى في عتمة دروبي .. عيون تشوف ..!
................ انا لا ضقت ... وانتي غايبه .. من يفتح .. أزراري ؟