(البارت الرابع )
فدى راحت تركض لأمها في المطبخ : يمه يمه ، لمار وميار
أم فيصل : وشفيهم تكلمي شفيهم
فدى : أنس رجعهم
ميار ولمار راحوا لحضن أمهم : يمه
أم فيصل : يابعد عمري يايمه ، ضربوكم ؟؟ سووا فيكم شي ، وش يعورك يمه ميار ايدك تألمش
أنس : يمه تطمني مافيهم شي ولا سووا لهم شي
ميار ولمار واهم يطالعون أنس بنظرات ألم وحزن : اي يمه مافينا شي
أنس : تعالوا ريحوا غرفتكم انتو تعبانين
أم فيصل : اي قواك الله يمه ، دير بالك عليهم
وفي الغرفة
أنس : سمعوا انتو الثنتين ماابي اي مخلوق على وجه الأرض يعرف باللي صار مفهوم
ميار : بس احنا ماغلطنا
أنس : شب ولاكلمه ، هالموضوع ابي الكل ينساه ، هالسالفه بينا ولو أحد عرف فيها ياويلكم
بيت مريم
مريم : هلا يبه ، شلونك
ابو مريم : الحمد لله بخير
مريم : يبه شفيك ، وش صاير
ابو مريم : اليوم نطق بالحكم
مريم : وش كان الحكم
ابو مريم : إعدام
مريم : انالله وانا اليه راجعون ، هدي يبه ، انالله
بيت القاضي
رائد يأشر لها برساله عشان يحرق أعصابها
أسيل : رويدوه انا توني راجعه من الجامعه وتعبانه فعن ثقالة الدم وفارق عني
رائد : ماتبينها يعني ؟؟
أسيل : شنهي؟
رائد : هذي الرساله
أسيل : لي !! من عند من ؟؟
رائد : الحبيب رجع هع هع
أسيل : رويدوه احلللف ، جيبها بسرعه ، متى جا
رائد : صار له اسبوع من رجع
أسيل : اووك اذلف برى
رائد : ولاحتى شكرا ، شوفي اللي يوصل لش شي مره ثانيه
السلام عليكم
ماابي أسأل عن أخبارك ولا شي ، لأني مشتاق لش مووت
كل اللي بقوله اني قررت اتقدم لش خلاص ماعندي صبر
أسيل ضمتا لرساله : يااااااااااااااي وأخيراً ، والله لك وحشه كبيره الغالي
ونزلت تحت تساعد امها بالشغل
أم رائد : تعالي يمه خلنا نجهز الغدا بسرعه
أسيل : وليش بدري اليوم
أم رائد : عشان بنروح بين ابو فيصل و .....
طبعاً أسيل ماسمعت باقي كلام أمها لأنها صارت في عاااااااالم ثاني من سمعت اسم فيصل
محسن : هلاحبيبي ، أخبارك ؟؟
فيصل : هلاو غلا بحبي : الحمد لله ، أنت شعلومك ؟؟
محسن : فصولي عندي لك خبر انما اييييه بتنبسط منه
فيصل : الله ياني نفسي اسمع اخبار حلوه ، يالله غرد يالحبيب
محسن : مو انت صار لك سنيين تحن علي تزوج وتزوج ، وامي بعد من جهه مو مخلتني في حالي
فيصل : ايي ،لا تقول نويت تتزوج
محسن : ايي ولله ، قررت اتزوج ، وابيك انت تروح معاي أخطبها
فيصل : عيوني لك يالغالي ماطلبت شي ، بس من هاللي داعيه لها امها
محسن : تعرفها انت ، بنت جاركم
فيصل : أي جار ، يعني بس جار واحد عندنا
محسن : بنت سيلم جاركم
فيصل : بس ابو رائد ماعنده الا وحده
محسن : وانا ماابي الا أسيل
وشأقول
غلاي يبي يآخذ أغلى ماعندي
صحيح الغالي يرخص له
بس هذي أسيل الحلم
هذي الروح لها تستسلم
يازمن انت لييش كل ضدي
وتآخذ أغلى ماعندي
يوم الحلم قرب يتحقق
مني ينسرق
وشلوون هذا يصير
انا الهايم بها والأسير
أسير روحها
عيونها
وشلون اتخلى وابيعها
يتبع ...