|
رد: النحو التطبيقي والتحرير العربي وياليل ماطولك
بالنسبة للتحرير العربي الدكتور شرحه ممتاز وهي مادة يبيلها فهم
وانتي الي تصعبين المادة وتسهلينها وصدقيني مافيه شي صعب
يعني عندك مثال في احد مواضيع همزة القطع اذا أتت في وسط الكلمة
يعني همزة متوسطة متى نكتبها على الألف ومتى نكتبها على الواو ومتى نكتبها على الياء
نسوي حلبة مصارعة <<< أهنيك على تشبيهك الي ما ادري ايش يبغا
المهم مصارعة بين حركة الهمزة وحركة الحرف الي قبل الهمزة
طبعاً القوة مرتبة كالتالي :
أقوى الحركات الكسرة << ياشديد وطبعاً الكسرة تناسبها الياء
ثم الضمة وتناسبها الواو
ثم الفتحة وتناسبها الالف
ثم السكون ويناسبه السطر
يعني لو قلنا ((رأى)) هنا الهمزة متوسطة وكتبنا الهمزة على ألف لأن الحركة الي على الهمزة هي فتحة وحركة الحرف الي قبل الهمزة الي هو الراء الفتحة اذاً طبيعي بيفوز بالمصارعة الفتحه لأن كلهم فتحات والحرف الي يناسب الفتحة هو الألف عشان كذا حطينا الهمزة على الأف
مثال ثاني لو قلنا ((سئم)) بفتح السين وكسر الهمزة << هنا مايحتاج ننظر لحركة الحرف اللي قبل لان حركة الهمزة الكسرة والكسرة مثل ماقلنا انها اقوى وحده بالحارة والحرف الي يناسب الكسرة كما ذكرنا أنه الياء اذاً على طول نحط الهمزة على ياء
أرجوا أني سهلتها <<<< الظاهر انك عقدتها .gif "(269)")
على العموم مثل ماقلت انتي الي تسهلينها وتصعبينها
آسف على الإطالة
وعسى الله يوفقنا وينتهي الترم وكلنا a+ ياكريم انك قادر على كل شيء
|