فقد جفت منابع الايميلات لدي ,, بعد ان كانت العلبة ممتلئه دائما و تغص بالرسائل المنوعه
فـ أرسلت تعميم شديد اللهجه لكل القروبات التي عندي بالايميل
بإنهم سوف يحذفون إن لم يتداركو امرهم ويستأنفو الارسال
توقعت بعد هذا التهديد الصريح بإني سوف ألقى أذن صاغيه
وسوف ترجع الايميلات مره اخرى ,, ولكن لا حياة لمن تنادي
بل وصلت بهم المواصيل بإن احدهم قال لي بالحرف الواحد
( تعرف تحذفني ولا اجي أعلمك ))
افا يذا العلم !! تهديدي ماجاب نتيجه 
شـ السالفه ؟؟
علّمت واحد من الربع بالسالفه ,, قال لي والله انك انسان متأخر ورجعي
قلت له لحظه ,, لحظه 
,, اكيد مع احترامك لي طبعا
قال انت خليت فيها احترام ,, زمان الايميلات انتهى خلاص
واحنا الحين في زمن الوتس اب 
تزامنت هذه الحادثه مع شح في المكالمات الوارده الى جوالي
افتقدت اتصال كثير من الاصدقاء الاعزاء على قلبي
فصرت انا إللي دائما اتصل بهم ,, وانشد عنهم
وحتى وهم يكلمونني مو مثل اول ,, أختصار شديد
ويادوب تسحيب كلام ,, ورد بدون نفس
ومايصدقون اقول لهم يالله مع السلامه
يوم من الايام رحت الاستراحه ,, ولهان ومسّير
دخلت وياليتني مادخلت
سلمت ,, وياليتني ,, استغفر الله
كل واحد ماسك الاي فون حقه ومشغول بـ الواتس اب
ومايدري عن هوى داره ,, يعني موجود ومو موجود
قلت بيني وبين نفسي مالي الا بحركه اكشن عشان اشد انتباههم
فقلت لازم استغل حنكتي ودهائي وذكائي الخارق <<<< لايكثر
رحت الى عداد الكهرب حق الاستراحه ,, وطفيته
رجعت ,, وياليني مارجعت
ولكأن شي صاير ,, عادي
قلت مالي الا أضف فيسي وامشي 
يحكي لي احد الزملاء في العمل ان ابنه الصغير
ذو السنتين ونصف ,, لا يتكلم بالشكل المطلوب
فرديت عليه بذكائي الخارق <<<< هيّن
عندك واتس اب ؟؟ قال ايه
وام الولد ؟؟ قال ايه
قال وشدخل الواتس اب في حالة الولد ؟؟
قلت له هو سبب حالة ولدك <<< ماشاء الله علي
لأنكم ماتتكلمون انت وزوجتك قدام الولد بمافيه الكفايه
وماتناقشون الصغيّر ,, لإنكم منتو حوله <<< عساني ماانظل
ويحكي لي زميل آخر وهو يقول ,,
المكان الذي تجتمع فيه الاسره للحديث هو السياره ,, سابقا
اما الان مع متعوس الرجا المسمى بالوتساب مافيه حديث ألا ماندر
قبل الختام ,,
قبل امس جانا البلوتوث وجننا وياه
وامس جانا البلاك بيري ومازال
اليوم الواتس اب كمل الناقص
وبكره مايندرى وايش يصير
ص].. العرب ماخلو للغرب حاجه
سؤالي ,,
ليه كل تفنيه تجينا من الغرب تأسر الالباب ,, ؟؟
يعني مانشوف هذا الادمان مع من اخترع هذه التقنيه انفسهم !!
ليه الجنون والادمان هذا عندنا بس ؟؟
والسؤال الاهم هل تستخدم هذه التقنيه فيما ينفعنا ؟؟
أم كالعاده استخدام سلبي ,, ومسايره للموضه فقط لاغير !!
أتمنى الإجاابه على الأسئله ...
في أمان الله