المشاركة الأصلية كتبت بواسطة lmlooma

السلام عليكم

انا مستجده في الجامعة تخصص ادارة اعمال والصراحه انا ضايعه ولااعرف عن الجامعه اي شيء ياريت احد يشرحلي كل شيء بالتفصيل مثل:


كيف نظام الدراسه ؟؟

عن طريق الانترنت وتحميل المحاضرات

كيف التواصل مع دكاترة المواد ؟؟

في ارقام لهم وايميلاتهم موجودة بكل ماده اسم الدكتور وطريقة التواصل معه


حضور المحاضرات ؟؟ يقولون عليها 10درجات وجاني مسج من الجامعه يقول حضوري منخفض

تحميل المحاضرة من الموقع يعني انك حظرتي المادة


الواجبات.. وين الاقيها ولاحليتها اسلمها مين ؟؟ وهذي بعد 10 درجات

وش قصة منتديات النقاش ؟؟ وهذي بعد 10 درجات ايش المطلوب في هالمنتدى

كل شهر ينزل واجب وتحصليها بالموقع الجامعه " التعليم عن بعد "


وبالنسبه للجدول انا سنه تحضيريه كيف اعدل عليه ولا مااقدر ؟؟

السنه التحضيرية الجامعة هي اللي تنزل لج المواد


والاختبارات النهائيه وين مكانها ولو بختبر بمنطقتي ادفع رسوم زياده ولا مايحتاج ؟؟

ادخلي على الخدمات الطلابية ثم تعيين مركز الاختبار واختاريه لا مافي دفع رسوم الاختبار بكل مناطق المملكة


وبالنسبه لموادي ابي اعرف اسماء الكتب والمؤلفين عشان اشتريها او اذا فيه ملازم تغني عن الكتب يكون افضل ؟؟ وموادي هي:

مبادئ الرياضيات 1
مبادئ المحاسبة 1
مبادئ الاقتصاد الجزءي
مبادئ الادارة
مبادئ القانون

ما يحتاج تشترين كتب حملي المحتوى لكل مادة واهو كافي عن الكتاب


واخر شيء اذا اي احد يعرف مدرسة اقتصاد جزئي كويسه بالدمام يساعدني :cry111:... احتاج مدرسه الله يعافيكم

ان شاء الله الاعضاء يفيدونكـ


واذا فيه اي شيء مهم زياده لاتبخلون علي فيه علموني الله يوفقكم ... واعتذر عالاطاله بس من جد مو فاهمه شيء ابدا