ملتقى طلاب وطالبات جامعة الملك فيصل,جامعة الدمام - عرض مشاركة واحدة

NOW OR NEVER · #1 2012- 2- 29

مسيتوا بالخير كلٍٍٍٍٍٍٍٍٍٍ بسمه

بدخل داريكت بالموضوع

الاعياد والحفلات التي كنا نعيشها في صغرنا كانت 3 فقط

عيد فطر وعيد اضحى والقرقيعان البسيط جدا

بالاضافة الى طلعة بسيطه اذا نجحنا للملاهي فقط واخر السنه بس

اما الحين مدري وش جانا صارت الاعياد والحفلات كثر الهم على القلب

عدو معاي بليز

* الكرسمس

*الهلووين

*فالنتاين

*قرقيعان بس غير الاولى اللي نعرف

لازم تجهز هدايا قبله بشهر وتتمشور 60 مشوار عشان تصير الهدية كشخه احلة من هدية عيال فلان

ولازم صورة لخشت البزر على الهدية

*حفلة نجاح لازم بارتي في سباركيز او الراشد او اقل شي الارنب الجائع

حتى مرات اقول عسى ما ينجح احد من بزران الاقارب عشان نفتك من تويز آر أس

.

نكمل الحفلات

*حفلة خطوبه

*حفلة ملكه

*حفلة زواج

*حفلة استقبال المعاريس

*حفلة اتمام 10 سنوات عل الزواج( عسى ماشر أرامكو)

*وسمعت عن حفل طلاق بعد

(طيب اختصروها بوحده وفكونا)

*حفلة نون للبزر اذا طلع له ضرس

بعد العشا بكمل فاصل اعلاني

جيتكم تمسكوا

.

.
ماش طارت الاقكار بعد العشى

المهم والشي اللي ابي اعرفه منكم

ليش هالظاهرة انتشرت في مجتمعنا بشكل كبير

صار ما يجي ويك اند الا ناط لنا احد بحفلة شوفوا عاد وش المناسبة

غير اعياد الميلاد اللي بلشنا بها

اول مره اشوف احد يسوي حفلة عيد ميلاد وبعد شهرين يسوي حفلة عيد ميلاد مره ثانية

خير مو توهم مسوين عيد ميلاد قبل شهرين قالوا ذاك بالميلادي والحين هجري

طبعا هذا غير المخالفات الشرعية في بعض هذه الاعياد التي لا تخص المسلمين

وش رايكم يا جماعة الخير باللي قاعد يصير

ابي راي كل واحد يقرى الموضوع

رجاء ما ابي مشكور ويعطيك العافية اما بيشارك او يصكني اعجاب واعرف انه مر على الموضوع

وجاز له الموضوع

واذا مره طلع الموضوع عاجبه ومسكت يصكني تقييم بس لا يسب

,,,,,,,,,,,,,