خمس السنين اللي مضت كنّها يوم
وكنّه بعد قبل أمس جنبي واحاكيه .
. أشكي له أحوالي ويعطيني عزوم
ويمدني بالنصح من دون ما ادعيه .
. سبحانه الدايم ولا غيره يدوم
مير البلا لا مات من كنت تغليه .
. وضاقت بك الحيلة وحاطت بك هموم
وانزلته فقبره وربعه حواليه .
. مقسوم ماله بد ما كان مقسوم
وحكم الولي نافذ ولو فيه ما فيه .
. مرحوم ياشيخٍ بكوا فقده القوم
من قدره اللي القول ابد ما يوفّيه .
. عاش وحيا عمره على طيْب وعلوم
ولا فيه من هو في صفاته يجاريه .
. عقبه وحزن القلب في وسطه يحوم
والبال ذكرى صورته ما تخليه .
. وللدمع من عيني على خدي وسوم
لا جابه الطاري أنا ماقدر أخفيه .
. اللي كما حالي فلا هوب مليوم
واللي مفارق والده من يواسيه .