ربي يفرجها قريب ...وألتقي بذاك الحبيب
اللي لاشفته جروحي تطيب
ويفتح أسوار المدينه...ويقول ياعمري ليه أنت حزين
آمر وش اللي تبينه ؟؟؟
هذا أنا كلي فداك ... لو طلبت عيوني قلت جاك
مابي الدمعه بعيونك...كل هالعالم لايهمونك
راح أنسيك اللي فات ...ماضيك الأليم والذكريات
ونبدا حياة كلها أفراح ومسرات...
ما للألم فيها وجود ...ما للفرح فيها حدود
شمسها نظرة عيونك ...وليلها بغمضة جفونك
كل من فيها تحت طوعك... اسمح لي إلا دموعك
هذي لي أنا لحالي ...هذي عندي شيء غاالي
ماأبي أشوف بعيونك إلا دموع الفرح والشوق...اللي يفز لها الخفوق
ومادام راسي يشم الهوا ...وأعيش أنا وأنت سوا
أوعدك إني أحتويك ...وسط قلبي اللي يعزك ويغليك.....