اللي صار للحين كـ التالي :
اتصلت ع الرقم المجاني اللي كتبته إحدى الأخوات بالموضوع و اللي أرسلوه لنا ع الجوال
و مشيت مع الرد الآلي و ضغطت على اختيار الشؤون الأكاديمية و من ثم ضغطت على اختيار التأجيل و التسجيل
و رد علي أحد الموظفين و شرحت له مشكلتي و طلب مني أرسل خطاب على فاكس عمادة التعليم الالكتروني عن بعد
سألته : ليش أرسل خطاب ليش ما ترفع لي طلب مراجعة للمشكله و تعطيني رقم مطالبه بعد ما تاخذ بياناتي كامله
قال : موضوعك ما يخصنا
قلت : شلون ما يخصكم انا اخترت الشؤون الأكاديمية : التأجيل و التسجيل و الموضوع مفترض يكون عندكم مو عند غيركم
قال : احنا جديدين هنا و الرد ع المكالمات عشوائي و لا نقدر نسوي لك شي بالموضوع ، اكتب خطاب بمشكلتك و ارسلها فاكس للعمادة و ان شاء الله خير
عرفت إن كثر الكلام ما راح يجيب لي حل ، قمت كتبت خطاب و أرسلته مع صوره لهويتي لفاكس عمادة التعليم عن بعد بالجامعة و للحين انتظر رد و ان شاء الله خير
بصراحه أنا مو عارف متى ممكن يجيني الرد ع شان اعرف اراجعهم متى لكن ببقى أراجعهم بشكل مستمر و ان شاء الله خير
أي جديد يحصل أبوافيكم فيه و أشكر الجميع ع الاهتمام و عسى الله لا يريكم شر