ملتقى طلاب وطالبات جامعة الملك فيصل,جامعة الدمام - عرض مشاركة واحدة

NOW OR NEVER · 2012- 3- 2

سنة من السنين كنت راعي هجولة

المهم كان عندي ددسن 82 وكم دباب بالبيت اروح من فتره لفتره لهاف مون عشان اطعس

طبعا الددسن كانت معذبتني دوووم والوضع الطبيعي انها ما تشتغل بعد كل مشوار الا لازم اطب بالكبوت

واسوي لها اسعافات اوليه (مره انشقها بنزين ومره افك البواجي ويا كثر ما يلذع البلتين كنت اشتريهم بالدرزن)

بين قوسين للشباب فقط هم اللي راح يفهمون

المهم رحت ذاك اليوم لهاف مون ونزلت الدباب صحراوي ابو كفرين وطعست لين قلت دخت .

و نزلت الشمس وبدى الظلام

ركبت الدباب بالددسن (ام عزيّز) وجيت اشغلها عيت واحاول ما فيه فايده وافتح الكبوت واطب فيه (نو واي)

وسويت لها الاسعافات الاولية المتعود عليها قالت محلي ولاني متحركه الا بسطحه

على ذاك الوقت لا جوالات حدنا بيجر او آي ابو 8 نغمات

واتلفت ما فيه احد والليل اقبل قلت مايبلها وانزل الدباب و اوجه على الخبر

المهم الدباب ما يصلح للشارع ولا فيه انوار وجاني الليل مشيت قطوع على الاتجاه ووصل اماكن مظلمه حيل

بس اشوف الانوار بعيييييد عني

قلت بوصل ان شاء مع ان المكان الي وصلته غريب ولا قد شفته من قبل

المراد وانا اتمشى في امان اللي ناصي سنا النور الا وهذا شبك حديد قدامي

طبعا انتوا عارفين ديرتنا كلها شبوك ما شاء الله

قلت اباري الشبك لين القى فتحه ادخل منها وما دريت الا وانا اسمع نباح كلاب(اعزكم الله) وكل ماله يقرب

والتفت وراى الا يجون 20 كلب ناصيني

من الروعة حطيت رجلي بالدباب واسرعت سرعة جنونية وما اشوف زين ظلام حيل وكنت اقول يارب ما اطيح بحفره او يخترب الدباب او اصدم بشبك في هالوقت الشين

(متعود على القراده)

بس وش اسوي على الاقل انقلب واموت ويقولون مات بحادث

ولا يقولون مات اكلته الكلاب

والبلاء لو انقلب وتاكلني الكلاب

(لحد يجي ويقول لي وقف والكلاب بتخاف وتهرب منك ..

فرضاً طلع فيهم واحد شجاع وش اسوي في ذاك المكان)

ربي ستر علي ووصلت لبيت خويي

بعد رحلة شاقة وضياع وروعة طبعا صاير وجهي اشهب من الغبار

وجبهتي عليها حشرات لاصقة من السرعة

هذه احدى قصصي مع ام عزيز (الددسن) ولو بكتب عن مغامراتي معها يبي لها رواية

2012- 3- 2	#143
NOW OR NEVER مراقب الساحة العامة سابقاً الملف الشخصي: رقم العضوية : 45467 تاريخ التسجيل: Fri Jan 2010 المشاركات: 19,628 عدد الـنقـاط : 462786 مؤشر المستوى: 724 بيانات الطالب: الكلية: إدارة اعمال الدراسة: انتساب التخصص: متخرج لا تكلمني المستوى: خريج جامعي	رد: سـجـل حـضـوركـ بـمـوقـف .. ! سنة من السنين كنت راعي هجولة المهم كان عندي ددسن 82 وكم دباب بالبيت اروح من فتره لفتره لهاف مون عشان اطعس طبعا الددسن كانت معذبتني دوووم والوضع الطبيعي انها ما تشتغل بعد كل مشوار الا لازم اطب بالكبوت واسوي لها اسعافات اوليه (مره انشقها بنزين ومره افك البواجي ويا كثر ما يلذع البلتين كنت اشتريهم بالدرزن) بين قوسين للشباب فقط هم اللي راح يفهمون المهم رحت ذاك اليوم لهاف مون ونزلت الدباب صحراوي ابو كفرين وطعست لين قلت دخت . و نزلت الشمس وبدى الظلام ركبت الدباب بالددسن (ام عزيّز) وجيت اشغلها عيت واحاول ما فيه فايده وافتح الكبوت واطب فيه (نو واي) وسويت لها الاسعافات الاولية المتعود عليها قالت محلي ولاني متحركه الا بسطحه على ذاك الوقت لا جوالات حدنا بيجر او آي ابو 8 نغمات واتلفت ما فيه احد والليل اقبل قلت مايبلها وانزل الدباب و اوجه على الخبر المهم الدباب ما يصلح للشارع ولا فيه انوار وجاني الليل مشيت قطوع على الاتجاه ووصل اماكن مظلمه حيل بس اشوف الانوار بعيييييد عني قلت بوصل ان شاء مع ان المكان الي وصلته غريب ولا قد شفته من قبل المراد وانا اتمشى في امان اللي ناصي سنا النور الا وهذا شبك حديد قدامي طبعا انتوا عارفين ديرتنا كلها شبوك ما شاء الله قلت اباري الشبك لين القى فتحه ادخل منها وما دريت الا وانا اسمع نباح كلاب(اعزكم الله) وكل ماله يقرب والتفت وراى الا يجون 20 كلب ناصيني من الروعة حطيت رجلي بالدباب واسرعت سرعة جنونية وما اشوف زين ظلام حيل وكنت اقول يارب ما اطيح بحفره او يخترب الدباب او اصدم بشبك في هالوقت الشين (متعود على القراده) بس وش اسوي على الاقل انقلب واموت ويقولون مات بحادث ولا يقولون مات اكلته الكلاب والبلاء لو انقلب وتاكلني الكلاب (لحد يجي ويقول لي وقف والكلاب بتخاف وتهرب منك .. فرضاً طلع فيهم واحد شجاع وش اسوي في ذاك المكان) ربي ستر علي ووصلت لبيت خويي بعد رحلة شاقة وضياع وروعة طبعا صاير وجهي اشهب من الغبار وجبهتي عليها حشرات لاصقة من السرعة هذه احدى قصصي مع ام عزيز (الددسن) ولو بكتب عن مغامراتي معها يبي لها رواية
	التعديل الأخير تم بواسطة NOW OR NEVER ; 2012- 3- 2 الساعة 04:20 AM