يا نهّام الفجر نوره يفجّ الليل للغربال
وبكره مدري لوين القدر يبغى يمشينا

تطلّ الشمس فعيون السهارى تذبح الأمال
ويبعثنا المسا من قبرنا / ونعيشنا فينا

كذا والفارغين أضحوا هل الأراء والأقوال
كذا صارت مصيبتنا العظيمة في مبادينا

تركنا الأرض للسخف الكبير وضحكة الجهّال
زهدناها / بعد ملّت من التربة خطاوينا

يا نهّام الحديث يقلّب الأوجاع لا من طال
وحنّا حائط المبكى غدت مثله / حكاوينا

على طرق الحنين وطاري الغالين واليا مال
دخيلك شوف لي عن هالحديث الصمت والمينا