المشاركة الأصلية كتبت بواسطة بنت الشمري

بسم الله كم تمنيت انه مايوقف ولكن لعله يعود

حابه اطرح موقف حصل لي من احدى صديقاتي

بس ماهي صديقة دراسه تعرفت عليه في مشغل كنت رايحه

مع بنات عمتي قص وصبغ وكنت فاضيه ولقيت وحده فاضيه مثلي

وجلست اخذ واعطي معه عن الموضه والاعراس ومن هاالغبيل

في نهاية الحديث قالت ابي رقمك بصراحه ارتحت له وقلت بنت مثلي

مثله وش عليه مع اني حريصه جدااا على رقمي لانه غالي علي

من ايام اولى ثانوي وحابه انه يشيب معي ماابي اغيره ابد

اعداني اخوي وطني وخرجت شوي عن محور الموقف

المهم صار بينا تبادل رسائل ومكالمات وطلعات لما تجي الدمام نطلع الهاف

ولما اروح الرياض اشوفه في منتزه ..

المهم البنت مره حبوبه بس بس بس حيل حساسه

يعني مجرد اني اسولف معه واتس اب واسكت ربع ساعه تحسس

وتجلس تعاتب انتي متغيره وانتي وانتي وليه مارديتي وليه وليه

والمشكله احيانا يكون معي عذر وماتصدق لين صرت اصور له الشغل اللي

اسويه مثل طبخه اول حلى او غسل البيت طبعااا او ترتيب المجلس

وهاكذا

انا مزاجيه احيانا تدق براسي ماامسك الجوال يومين او ماارد على احد

اخذ راحه بيني وبين نفسي

ومره في يوم الاختبارات تقول ليه ما تسولفين معي اقول ماعندي سالفه

ماغير هم الاختبارات ماهي من اللي يقدر وتقول الله يوفقك وتروح لا

تقولي وبزعل اذا صارت عندك سالفه كلميني والله حزت بخاطري صديقتي

وما تقدر وضعي انا مقدره وضعه وكل شئ بس انا ما احب اعاتب مثله

ابد واذا ماكنت رايقه ما ارد علشان مااغلط واندم

عموما كله يهون عند انه مره مدري وشلون دخلت على مشاعري ودغدغتها

مدري بجد وقلت له سالفه عن امي والسالفه بختصار ان امي ارمله طبعن بعد

وفاة ابوي وكانت صغيره وقتها لاني ابوي متوفي من 20 سنه

طبعن امي تزوجت وحنااا البنات 3 والاولاد 4

بقينا عند اخوي الكبير متزوج

هاالسالفه صارت سالفته كل يوم تقول لي ابي اقول لك شئ بس لا تزعلي

مني ولا تاخذي على خاطرك وقولي بصدق وتسئل شئ خاص عن امي

كيف تزوجت كيف راحت ماودك ترجع ما ودك تشوفينه كل يوم عندك في البيت

وما وما وما وطاحت في كل يوم مقاطع واناشيد تضيق الخاطر عن الام

انا عادي ما عندي مشكله امي اروح له واكلمه بس في لحظات الواحد ما وده

يتذكر شئ فقده من الطفول خصوصا فقدان الام والاب حما الله امهاتكم واباؤكم

انا اللي ابيه من هالسالفه كله وشلون وشلون افهمه واقنعه واصل له

انه تضايقني في كلامه والمقاطع اللي ترسلهن عن الام ولاب بدون ما اجرح

مشاعره لاني ادري فيها حساسه جدااا

والله انه غاليه بس تضايقني في تصرفاته

ادري اني معطيته وجه بس مو كيفي اخاف لا اجرح خاطره

اتمنى افادتي ولو في شئ بسيط يخفف علي اللي مضايقني

وشكرااا