ملتقى طلاب وطالبات جامعة الملك فيصل,جامعة الدمام - عرض مشاركة واحدة

مرزوق المطيري · 2012- 3- 5

اقتباس:

المشاركة الأصلية كتبت بواسطة نــــــوره

السلام عليكم حبايبي

حابه اخوش ع الموضوع على طول

الا وهو لاصحاب الخبره .. انا مرره شايله هم كيف برتب وقتي

واقدر اذاكر قبل لاتتراكم علي المحاضرات .. واروح فيها

ماابغى انضغط .. لاني حابه اجيب معدل توب

وخاصة للي متزوجين واللي يداومون في الصباح والليل

مساكين .. يعني ابغى جدول او برنامج يكون مرتب

نقدر نحفظ ونفهم ع الراحه

عشان اذا جا وقت الامتحانات نكون فاهمين .. وكل شي

انتظركم ياحلوين

...

وعليكم السلام ..

شوفي اختي نوره , يمكن بكون قاسي عليك بكلامي بس اعتبريه من اهتمام أخ لمصلحت
اخت ..

إذا مو عارفه ترتبي وقتك في الدراسه ولا تملكين حلول فراغيه لقضاء وقت على اللاب
من الان بضمن لك ارهاق وتوتر في كل لحظة دخول على الموقع لغرض المتابعه والدراسه

.. الامور جدأ بسسسسسسيطه وسهله لاتكبيريها فوق حجم ألا معقول

ساعه او ساعه ونص تكفي لغرض الدراسه والمتابعه

بقولك طريقتي في الدراسه مع اني موظف ومكروف جداً الى النخاع
1 - خصصي يوم فقط لتحميل المحاضرات ورتبي كل ماده في ملف بمحاضراتها ومحتوياتها
2 - أبدي في مادة الرياضيات وبعدها المحاسبه ومن ثم الاقتصاد الجزئي وركزي على الشرح في المحاضره ,, وكثري من حل المسائل لمادة الرياضيات .. والقانون والاداره لو تنزلي المحتوى فقط يكون افضل لان الشرح نفسه الفيديو مافيه شي يفهم ..
3 - سوي لك جدول بجميع المواد بعدد محاضراتها ومقرراتها .. لو تحبي تسويه في ورقه خارجيه عادي , سجلي كل مقرر عرجتي عليه بعلامة ( صح ) على شان وقت رجوعك للجدول تعرفي شنو تابعتي والى وين وصلتي هذا لو فرضنا انك مشغوله اغلب اليوم

____

طبعاً كل(ن) له طريقه وتابعي كل طريقه تنزل ف موضوعك
والله يوفقك ويحقق امانيك

وارجع اقول الامور سسسسهله بس حنا نعقدها .. تابعي تابعي تابعي وامورك ميسره بأذن الله