المدينه سانيه حزن .. وأنا أخر طرف في حبل عقدتها القديمه
والشوارع .. زفرة اللي ودع الاطفال رتبهم حمامات وأماني

كل ماغنيت أتحشرج بنافذه السكوت المر وأبحث عن نديمه
أكتشف ان البكا سادر وأن أطرافي السفلى مشت داخل مكاني

أييييه .. وجروحي سما ارض وفضاي الهم وأحزاني عظيمه
آآه وأتلمس مداي الغض يتشكل جزع للطيش ودموع وأغاني

كلهم مستمرين بخطو ممشاهم وأنا وحدي مخير .. ياعظيمه
هم يقولون استراح بجد من صمته وأنا يامترفه جدا ..أعاني

وين أوديني وانا حددت دربي للحديث الصعب اخره وعتيمه
وين أسافر وأنا كل الجهات تعذرت صوتي وخانتني المواني